@bayashatalibek: #ҚАЗАҚТЫҢ БОЛАШАҒЫ ЖЫЛҚЫМЕН БАЙЛАНЫСТЫ Қазақ халқының көшпенді өмір салтында, яғни, өркениетінде жылқының алатын орны айрықша. Жалпы халқымыз үшін жылқы қастерлі. Тіпті ер жігіттерге «ат жалын тартып мінген», «ат құлағында ойнайды» деп мақтау айтса – бұл шенді дәрежені білдірерліктей. Жаңа дәуірдің өрлеген уақытында осы құндылықтарымыздан айырылып қалмай, қасиетті мұра ретінде сақтап, көбейтіп, кейінгі ұрпаққа аманат етуіміз керек-ақ. Қазақты тануда жылқының алатын орны бөлек. Дархан көңілді қазақты «астындағы жалғыз атын беретін» деп сипаттайтындығынан белгілі. Жылқы Қазақ тарихында, қазақ әдебиетінде ойып тұрып орын алады. Әліппені қолға алғаннан ақ - АТ деп бастайтынымыздың өзі осының бір дәлеліндей. Өкініштісі қазіргі ұрпағымыз осы 4 түлік малды қаншалықты біледі. Біздің тарихымыз, дәстүріміз, тіліміз (ат әбзелдері, тұрақты сөз тіркесі, мақал-мәтелдер) байланысты болғандықтан төрт түлік малымызды ұмытпайық. Одан бөлек атқа мінгеннің денсаулыққа пайдасы да бар. Жылқының қымызының да пайдасын айтпаса да білесіздер. Сіздің балаңыз атқа отырып көрді ма, төрт түлік малдың төлін біледі ма, қымыз ішіп көрді ма?

Bayashat_qarabala

Open In TikTok:

Region: KZ

Thursday 04 August 2022 01:56:03 GMT