@tuhnjosarfaraz: Ao Rabel Murjaijhan tha paya🥺🎶 ٿي املتاس تان ڪوڪ ڪويل ڪري. 'هو پري آ، پري آ، پري آ، پري'! مور جا پر ته مونکي ڏنا ٿِي ميان! ناچ مون کان نه ٿي، ريت پيئي ٻري. مڌ ڪهڙو به آهي، ڪلالو! ڏيو، رات گهنگهور آ، ڪئن به ٽاڻو ٽري! ٻاڻ ڪيئي گُٿا، پر نه چارڻ ٿڪو، ٻنگ ٻيهر ڇڪي، چنگ چوريو چري. جيءُ هو يا جهڳو، داءُ پنهنجو لڳو، جيت ڇا، هار ڇا، ڪير پُٺ تي وري! سُر به تنهنجو ميان، سِر به تنهنجو ميان! ڪنڌ توکان سوا ڪير تو لئه ڌري؟ مينهن جي رات ڪاٽي وڃو اوٺيو! مانڙي ٿي پچي، باهڙي ٿي ٻري! آءُ، رابيل مرجهائجن ٿا پيا، ڪا سڳنڌ آ جنهن جي نه تو بن سري! اي "اياز" انئٿرا! تو ته پايل ٻڌي، پير سوچي ته رک، ڌرتتيءُ تي ڌري! شيخ اياز - Shaikh Ayaz