صرر الاوزي ✨✨✨ الكمية تكفي لعمل ١٠ صرر ٥٠٠غرام عجينة فيلو fillopastry ١٥٠ غرام زبدة مذوبة ✨✨✨ للحشوة: كيلو لحمة فيليه مقطعة مكعبات( ممكن استخدام اي نوع لحمة مفرومة او راس عصفور ) نقلبها بزيت مع بصلة مفرومة ناعم حتى تتحمر اللحمة ونضيفلها نص معلقة صغيرة ملح ومعلقة كبيرة بهار مشكل( بهار حلو ، فلفل اسود ، جوزة الطيب ، قرفة ، هيل، كزبرة ناشفة) نتركها على جنب حتى تبرد او ممكن استعمل اي نوع لحمة خروف او عجل مكعبات بسلقها مع البهارات والملح وبعدين تحميرها ✨✨✨ للرز: ٣ كوب رز مصري منقوع ومصفى كوب رز بسمتي مغسول ومصفى نقلبهم مع معلقتين سمنة ونضيفلهم معلقة صغيرة بهار مشكل ( نفس البهار الي استعملناه باللحمة) بالاضافة لرشة كركم ونضيف فوقهم ٥ كوب مرقة لحمة او دجاج مغلية ( نعدل الملح حسب ملوحة المرقة) بس تغلي نغطي الطنجرة ونتركها ليستوي الرز على نار هادية نترك الرز ليبرد تماما ✨✨✨ للخضار: نقلب كوبين خضار (بازيلا وجزر) مع زيت ونضيفلهم رشة بهار وشوية مي لحتى يستوو تماما وتنشف المي ✨✨✨ نخلط الرز والخضار واللحمة ونتركهم يبردو تماما بزبدية حجمها مناسب للصرر ندهنها من الزبدة السايحة طول فترة الشغل ضروري انه العجينة تبقى مغطاية حتى ما تنشف ناخد اول طبقة عجينة ونحطها على الزبدية وندهنها بالزبدة وطبقة تانية وندهنها وطبقة تالتة(ممكن اضيفوا اكتر طبقات بس انا بفضل ٣-٤ طبقات) وندهنها نضيف حشوة الرز ونسكر العجينة على بعضها ونزينها بالمكسرات نقلبها على صينية الفرن ونرجع ندهن الوجه بالزبدة ونشويهم بفرن محمى مسبقا على حرارة ١٩٠م/٣٨٠ف لمدة ١٠-١٦ دقائق او حتى يتحمرو من الاسفل وبعدين نحمر الوجه تقدم الى جانب سلطة اللبن والخيار وصحتين #talasfood #اكسبلور #fyp #رمضان_كريم #صرر_اوزي - @talasfood