@garga3h: عصيدة القشطة 😍 في كل موسم شتاء… كل يوم خميس نجتمع أنا و أصدقائي في منزل أخونا بوعبدالله… و في كل اسبوع يستلم أحدنا زمام الطبخ و النفخ و العشاء… مرة بوعبدالله و هو أكبرنا! و مرة بوخالد و هو أقوانا! مرة بوحمد و هو أفضلنا! و مرة بوعيسى و هو أذربنا! و مرة أنا😁 حرصت في الموسم الماضي أن يكون لي طبق في كل تجمع و غاااالبا يكون طبقي المساند هو طبق حلو✌🏻😁 و لأن شتانا هالموسم… لطيف! و البرد بليالينا… ظريف! ما ينفع الأكل الخفيف!! و اللي يقول خبز و زيتون و جبن!! هذا عاد صج هو الراي السخيف!! بالشتاء! ما نبي أكل صيف!! نبي كل طبخة… عليها شيف! نبي أكل حار مثل الصيف!! يدسّم البلاعيم… و يزيد الكيف ✌🏻 و أنا!! بأيام ما كان لي مجال!! كل جدر و عليه رجال!! يقصقص و يفصفص! و بكيفه يغير الحال… طه و كبسته! سمعة و عكفته! بوحمد و سمكته! و بوخالد المحتال! انكب الملح بطبخته! بس ضبط الأمور… و قدر يحتال!! و أنا!! ما غير بهالعصيد! أنقص فيها بكيفي!! و أزيد! مرة تمر و مرة دبس أحيانا بالطحين و ساعات بـسميد! و صار عليها الطلب… زايد! و الخياط يصرخ و يزايد!! يا بومساعد عصيدة!! يا خووووووووك خاطبها! و رايد!! صاحبنا يبيها بشيمة… ولا بجيمة!! يبيها! يهوجس فيها و الجو شنو؟! باااارد 🥶 قدرني ربي و عصدت له! عصيدة تنسيه الهم و مراره و شرط تدفيه بليله و نهاره 👌🏻 عصيدتي يا علي ما تنوكل باردة!! لااا… لااااازم تكون حارة👌🏻 و الحين أشارككم فيها❤️ و نقول… 🛑عناصر الوصفة: - كوبين طحين - ٧٥-١٠٠ جرام سمن - ٢٥٠ مل قشطة - ٣٤٠ جرام حليب مبخر - سكر حسب الرغبة - رشة فلفل أسود - كوب منقوع ماء ورد و زعفران - هيل ناعم - ماء مغلي حسب الحاجة (لضبط القوام) 🔺هذه الوصفة نقصة لاختي، و هي نسخة من العصيدة اللي حضرتها في موسم الشتاء لأصدقائي عموما و لأبو محمد (علي الخياط) خصوصا 😁 و بس😁❤️ سلامتكم و تعيشون 😍 📈التقييم: ١٠ من ١٠ صج ولا غلطة الكميات : ميزان العين و هوى النفس 😉