@bestcookingworld: garga3h مچبوس لحم 😋 في زوارة عائلية… و طاولة طعام فيها ما فيها من الأطباق المنوعة… و الصواني… و أنا!! بالعزايم لي كذا عادة!! بصحني! ما أحط الأكل بزيادة! من كل صنف حبة!! أو حبتين لو زيادة!! و أجمع حولي صحون صغار! من الهريس!! قفشتين كبار… و القبوط!! حبتين صغار… و المرقوق!! ألقط الخضار!! آخذ من اللهانة… حبة!! و الكبة باللبن… كبة!! و الحبة ما تنوكل حبة!! لازم أقطعها… قطعتين صغار! أما العيش… لو أكثر من نوع! آخذ من كل نوع… قفشة! و الدولمة بعد!! أحط الملفوفة!! و البقشة! أما المقالي!! لا ما أقربها!! لا هي تحبني ولا… أنا أحبها!! و السلطات تطالعني من بعييييييد… و أطالعها! لا هي بالعتني… ولا أنا بالعها!! المهم😁 أنا بهالعزيمة سويت نفس كل مرة!! حطيت من كل صنف شوي و جمعت الأطباق الصغيرة حول أخوهم الكبير اللي جدامي😁 و بدأت بمچبوس اللحم!! و هنا بدأت المشكلة😅😅 حاااااولت أنتهي منه و أروح للي بعده!! لكن ما قدرت!! صحني ما كان ينقص أبد!! كلما نقص قفشة زدته قفشتين!! و كلما بان الفراغ في قاعته!! سديت فراغه!! و كلما أخذ منه أحد ضاق صدري😅😅 و كلما شلع أحد من لحمه!! أحسه من لحمي😅😅 و الشخص اللي بجانبي على الطاولة ذويق بالأكل!! و الوضع صار إن هو خايف مني و أنا خايف منه😅😅 لا أنا أبيه ياكل أكثر مني!! ولا هو يبيني آكل أكثر منه😅😅 سألته: ((منو اللي مسوي مچبوس اللحم)) فجاوبني مع ابتسامة صفراء و قال!! ((منو بعد!! أكيد خالتي حصة!!)) و لما صار وقت الشاي… سبقتها… صبيت لها استكانة… و حستها… قعدت يمها… حدثتني و حدثتها!! أخذت منها السر!! سر مچبوسها و وصفتها😁 و الحين نقول… 🛑عناصر الوصفة: - أكتاف لحم غنم - عيش مغسول و منقوع - بصل (للسلق) - بصل مفروم (للحشو) - حمص مجروش (مطبوخ بالماء ١٠ دقايق) - زبيب (منقوع بماء مغلي ١٠ دقايق) - منقوع ماء و زعفران - منقوع ماء ورد و هيل و زعفران - سمن - البهارات الصحيحة (دارسين / هيل / مسمار / كزبرة / كمون / فلفل أسود / نجمة الينسون) - بهارات الحشو (زعفران مسحون / هيل / دارسين / فلفل أسود / كزبرة / كمون) - ملح 🔺تقول خالتي حصة، اطبخ اللحم عادي، و من يستوي! سكر غطاه و طف النار و اتركه بمايه ناقع ساعة على الأقل و تالي كمل شغلك #حركة_الاكسبلوررر #السوريين_احلا_عالم #حركة_الاكسبلوررري#السوريين_احلا_عالمر#سوري_بتركيان#سوريا##اللهص#السيف_غاليري #حيوبل#مشان_صحتكa#مشان_صحتاك #اكسبلورf#اكسبلورررki#lasagnaS#italiaf#italianfoodi#abirzkitchend#ASMR##cheff#deli #menwiththepotk#foodpornb#fype#foryoue#cookings#chickenxe#foodbloggerk#wheretovisitksaoodtiktok #ex#firealvideo #viralt
