باشترین ئافرەت کامەیە؟ پێغەمبەری خوا ﷺ فەرموویەتی: ٤٩- «خَيْرُ النِّسَاءِ امْرَأةٌ إِذَا نَظَرْتَ إِلَيْهَا سَرَّتْكَ، وَإِذَا أَمَرْتَهَا أَطَاعَتْكَ، وَإِذَا غِبْتَ عَنْهَا حَفِظَتكَ فِي نَفْسِهَا وَمَالِكَ»(١). واتە: باشترین ئافرەت ژنێکە ئەگەر سەيرت کرد دڵخۆشت بكات، کە فەرمانت پێکرد گوێڕایەڵيت بکات، وە ئەگەر لە لاى نەبووى بتپارێزێ لە نەفسی خۆی و ماڵەکەشت بپارێزێ (واته: ئاگادارى حەیا و نامووسی خۆى بێت(٢)، وە زێدەڕۆیی نەکات لە ماڵ سەرف کردن). ڕوونكردنەوە: پێناسەى باشترین ئافرەت کراوە لەم فەرموودە بە چەند سیفەتێک، کاتێک ئافرەت ئیمانێکى دامەزراوى هەیە کە خۆى بۆ خوا یەکلاکردۆتەوە لە جێبەجێ کردنى فەڕزەکان، وە ئەو سیفەتانەشى تێدابن، بە باشترین ئافرەت هەژمار دەکرێ. یەکێک لە سیفەتەکان بریتیە لە دڵخۆشکردنى پیاوەکانیان لە کاتى بینین و سەیر کردنیان، کە بێگومان ئەوەش بە چەند شتێک دەکرێ، وەک: خۆڕازاندنەوە، بەرگ و پۆشاکى جوان و پاک پۆشین، ڕووخۆشى و زەردەخەنە، ڕێزگرتن و بەدەمەوە چوون و گرنگى بە خۆدان. زۆر بەداخەوە، بەشێک لە ئافرەتان لە ئێستادا ئەوەى خوا لەسەرى فەڕز کردوون بۆ مێردەکانیان بیکەن، ڕێک پێچەوانەیان کردۆتەوە!! کاتێک دەچنە دەر بۆ فەرمانگەو سەرکارەکانیان بە پێى ئەو شوێنانەى کارى تێدا دەکەن، کە پیاوانى بێگانەیان لەگەڵن، ئەوپەڕى ڕێز و ڕووخۆشی و خەندە و خۆڕازاندنەوەیان لێ بەدى دەکرێ، کەچى لە ماڵەکەى خۆیان بۆ پیاوەکانیان، بێهێز و بێ سەلیقە و سست، پۆشاکێکى نەگونجاو بێ هیچ گرنگى دانێک بە خۆڕازاندنەوە، زۆرجار سەربارى ئەوانە کەم ڕێزیشیان پێوە دەبینرێ، بە بیانووى ماندوویەتى و سەرقاڵیان بە کاروبارى دەرەوە، دەى کارێک ئەگەر سەرەنجامى خانەوادە بەمە بگەیەنێ، نەبێ باشترە!! #بەهای_فەرموودە #bahayfarmuda #پڕۆژەی_بەهای_فەرموودە #قال_رسول_الله_عليه_الصلاة_والسلام #ئافرەت_و_ژیانی_خێزانی_و_ماڵداری #ئافرەت_و_هاوسەرگیری #ئافرەت_لە_ئیسلامدا #باخچەی_چاکەکاران #١٠٠_فەرموودەی_پێغەمبەر #فەرموودە #islamic_video #islam #safari_dll @بەهای فەرموودە - @bahayfarmuda