@vn9.2: خلي احجيلكم قصة هذا المقطع🥹 هسه بالبداية احجيلكم اني مو متدينة ولا علوية اني مسويه اشياء غلط وحرام هواي بس جاي اصلح نفسي تدريجياً وشويه شويه بصراحة فكرت هواي قبل ما انزله بالبداية صورته كترند لا اكثر بعدين رجعت صفنت اني عليمن جاي اجذب على الله لو عالامام لو على روحي الشغلات الي يقصدها هالمقطع لازم تكون واقع واني مصورته من بعد ما اتخذ هيج قرار أنُ اترك التبرج والاغاني والخ … من هالامور لازم فعلًا اتركهن مومجرد اصور ترند واخلي وصراحة جان القرار شويه صعب واخذت وقت افكر لان اني بطبعي انسانة تحب المكياج هواي والعباية البسها بس فمن بعد ما اقتنعت قناعة تامة الشيء الراح اسوي هو الصح وهو حيقربني أكثر لرب العالمين وللاهل البيت كلت خلص اني راح اترك الاشياء الدنيوية واتجه لاصلاح اخرتي لان الدنيا هي دار الفناء والاخرة هي دار البقاء وربي يوفقني بهالشيء وكل شخص تارك صلاتة وعبادته ومبتعد عن الله سبحانه وتعالى خلي يراجع نفسه ويشوف روحه شكاعد يسوي