@strangehousedhafir: تجرك الخطوه على دروب الاسفار وتعصف بك رياح الدهر والنوايب هذي تصاريف الليالي والاقدار تمسي غريب وتبعد عن حبايب وحيد حار الدرب في وجهتك حار غريب وصروف الليالي غرايـــب ياليل مالي في دجا ظلمتك نار اضوي بها درب مشته الركايب سافرت ودموعي على الخد مدرار والحر من تناهيت القلب ذايب ودعت ربعن كنهم بين الاقمار فارقتهم من دون ذنب وسبايب ما خنتهم بس الزمن كان غدار وش للزمن يرمي علي المصايب دارت رحا الفرقى ودار الزمن دار وسوت بي احداث الزمان العجايب في كل ارض دجت دقيت مسمار ويعود مسماري عن الارض نايب يارحله الغربه غدى العمر مشوار استسمحك يادرب لو عدت خايب مليت من ضوضا المدينه والانوار وفوضى الشوارع والسفر والحقايب زرعت في صدري من همومي اشجار واسقيتها بدموع عيني صبايب اسامر نجوم الليالي بالاسحار وحيد حتى البدر ياليل غايب ماينشرح صدري على شبه النار في خبت اجرد كل مافيه هايب وانا الذي داري تماري بالانظار فوق الجبال النايفات الذرايب هناك لي صحب وحبايب وسمار وهناك ربعي والاهل والقرايب وهناك عشق لليالي بالاشعار ما توب عنه لو غدى الراس شايب جلسه سمر مع دندنه عود ووتار وتمر حولي ساريات السحايب واغصان تترنح تقل فيهم اسكار مثل الذهب لون الغصون الذهايب تذكار ياذيك الســــــوالف تذكار لامن ذكرتك عود القلب ذايب في ذمتك ياقلب ما شتقت للدار وياعين ماشتقتي لشوف الحبايب ياصاحبي في داخلي سور ينهار ان مرت الذكرى مرور الهبايب ياهيبه الذكرى على قلب مغوار لا تشعلي خوف ماني بهايب ادري همومي جم وذنوبي كثار وادري على مثلي تنوب النوايب وادري بعد ربي عزيز وغفار عودت لك يارب يارب تايب​

غريب الدارالظفيري 338

Open In TikTok:

Region: SA

Sunday 13 August 2023 19:41:08 GMT