اطيب دونات ممكن تسوو عجينة هشششة وخفيفة ومتمتص اي زيت رهيييييبة لازم تجربوها مكونات العجينة 1 كوب حليب سائل 4 ملاعق اكل سكر 2 بيض رشة فانيلا وظرف خميرة ملعقة صغيرة ملح 4 اكواب طحين و100 غرام زبد (نص كوب) مدة العجن جدا مهمة بالدونات حتة تنطي قوام حلو وناعمة وهشة نتركها تتخمر نص ساعة بس نحضر الحشوة الباتسيير 2 كوب حليب سائل 2 ملعقة اكل طحين 2 بيض فانيلا 4 ملاعق اكل سكر نخلط المكونات بدون نار حتة متصير تكتلات والبيض هم نخفقة كلش زين بعدها اخلي عالنار بس يثخن اطفي واخلي ملعقة اكل زبد كبيرة نقسم الخليط نصين نص بالشكولاتة ونص نعوفة بالفانيلا ضروري نغطي الحشوة بالنايلون حتة متتكون طبقة قشرة عالوجه بعد ما اختمرت العجينة ضروري نقليها بزيت نظيف وغزير الزيت لازم يكون حامي اذا الزيت بارد راح تمتص زيت هواية بعد ما نخلي الدونات ننصي النار حتة تستوي ومتكون عجينة لحد ما يشقر لونها ارفعها من النار العود الخشبي كلش سهل بالتحريك والتقليب اما التغطيات تغطية الشكولاتة اي نوع نستلة تحبون نذوبها بحمام مائي او بالمايكرو وياها ملعقتين اكل زيت حتة تصير خفيفة ولامعة تغطية البستاشيو زبدة الفستق الحلبي وياها ملعقة اكل زيت و10 ثواني بالمايكرو او حمام مائي ونخلط تغطية اللوتس زبدة اللوتس وياها ملعقة اكل زيت و10 ثواني بالمايكرو ونخلط للتغطيات الملونة اما نستلة بيضة ونلونها بملونات طعام كلش حلوة تطلع او نستعمل خليط السكر الباورد سكر باودر وية ملعقة او ملعقتين اكل حليب سائل حسب كمية السكر ونضيف اي لون غذائي ويصير نستعملة ابيض او بالالوان #دونات #دونات🍩 #معجنات #اكسبلور_فولو #explorar #اكسبلور_2020 - @enas_fared