قصه نجاتي من السيل درنه 🇱🇾💔 شارع البحر ف يوم الاحد عند الساعه ال11صباحاً طلعت لسطاح وشفت المطر تمطر بشكل غريب ورهيب خفت نحنا طبعا شارعنا ع البحر قربت م السور لقيت لبحر لونه غريب مقارب للرمادي ولموج عالي وشكلا يخوف بكل خفت بس نزلت وقلت قل لن يصيبنا إلا ما كتب الله لنا فلعشيه عند الساعه ال6 مساءاً رقيت اخرا وشفت المطر اقوا لدرجه اني نزلت غارقه ف لميه وموج لبحر عالي بشكل غريب بكل قعدنا ف حوشنا الساعه 11 قويت بكل الميه خفت م رقدتش انا وامي انزحو ف لميه نين دهشنا وخفنا تخش علينا وفعلا خشت علينا خوتي كانو راقدين وجيرانا كلهم راقدين فلعماره الا الدور لي تحت منا المهم درناها نا وامي طلعت جارتنا كلمت امي وقعدت تحكيلها انها خايفه خشينا عند جارتنا نزل جارنا لشارع رقا يعيط هوا وولدا يقوللنا وين لشباب الميه خشت مشينا واعينا خوتي انفجعو ف وقتها راقدين😔 وقعدو يطقو ع الجيران حتى هما انفجعو كانو راقدين قعدو ف شارع رقو سكرو الباب ورقونا جيرانا كلهم 8 شقق فوق لسطاح الميه خشت علينا نحنا رقينا خشت الميه زي الوحش سبحان الله 😔وكسرت لباب وخشت ع دور الاول وطيحاته 💔😔 وقعد يرقى منسوب الميه ونحنا ف حاله يرثى لها حاله رعب رهيبه ولكن ف لحظه خوفنا م بشاعه المنظر لساننا م وقفش عن ذكر الله والشهاده والتكبيرات جيرانا لحوش ل جنب عمارتنا غرقو قعدو رجاله عمارتنا ينقذو فيهن م سطاحهم ل سطاحنا ف وقتها خوي طيحه السيل😔ونحنا م نعرفوش اي حاجه غير ان نسمعو ف مباني جيرانا العمارات ل جنبنا الحواشين ينهدن وكل م ينهدن نسمعو صريح صبايا واطفال. ورجال وتكبير وتشهد💔ونحنا ف حاله هستيريه ونكبرو فجأه منسوب الميه نزل😔وطلع لفجر وف هذك الليله سبحان الله الفجر طول😔😔😔 لما جاء لفجر كانن لمباني متهدمات وجيرانا موتى وبعض منهم ف لبحر💔💔💔 ما اصعبها من ليله انكتبلنا عمر جديد فعلا - @emnalhssd