@southpostph: DEVELOPING STORY | CCTV FOOTAGE BARANGAY BUCAL ACCIDENT. Nasawi ang apat na indibidwal habang lima naman ang sugatan matapos araruhin ng isang pick up truck ang dalawang tricycle sa national highway sa bahagi Brgy. Bucal, Calamba City, Laguna, bandang alas tres ng madaling araw, November 1. Kinilala ng Calamba City Police ang sugatang biktima na sina John Rey San Juan, driver ng Kawasaki Barako 175 Tricycle at ang kasama nitong si Myla San Juan. Ang mag-anak naman na sakay ng Honda TMX 125 Tricycle, kalunos-lunos ang sinapit nang masawi ang driver nito na nakilalang si Gilbert Palupit, misis nito na si Aileen Palupit at dalawang anak na sina Ma. Aleisha Palupit at Akisha Palupit, pawang menor de edad. Sugatan naman ang dalawa pa nitong anak na sina Alyssa at Ayesha Palupit. Sa inisyal na imbestigasyon ng mga awtoridad, nasa tamang linya ang dalawang tricyle na patungong Barangay Pansol, nang bigla silang salubungin ng pick-up truck na nagbunsod sa malagim na insidente. Agad isinugod ang mga biktima sa JP Rizal Hospital subalit apat sa mga ito ang nasawi. Ang driver ng Ford Raptor Pick up truck kasalukuyang nasa kustodiya ng pulisya na si Alyssa Mae Abitria habang sugatan din ang sakay nito na si Clay John Nieto Tianzon. Nahaharap ang driver ng pick up truck sa mga kasong reckless imprudence resulting to multiple homicide , multiple serious physical injury at multiple damage to property. INFORM , EDUCATE , ENGAGE - SOUTHPOST PH #southpostph

SOUTHPOST PH

Open In TikTok:

Region: PH

Wednesday 01 November 2023 14:28:08 GMT