@dr.eslam.saeed.pediatric: 🟥 بعد إذنكم : الناس اللى فاكرة إن الأدوية دى أدوية #كحة تركز معايا ثوانى كده .. #الفينادون و #الأبيدون و #الزيلون و #البريدسول و #الأورازون و غيرهم من نفس العيلة عبارة عن كورتيزون مش دواء كحة ... بيتم إستخدامهم فى أمراض كتيرة فى الطب و منها #حساسية_الصدر اللى من ضمن اعراضها #الكحة .. فهو بيعالج الحساسية ( اللى هى سبب الكحة هنا ) و بالتالى المريض لما إتشخص صح و أخد علاجه صح و حالته إتحسنت ) أمهات كتير إعتقدت خطأً إنه دواء كحة جامد جدا و بدأوا يجيبوه من نفسهم فى أى دور كحة 🟥 اللى حصل بقى 👈 إنه لما بيكون فى دور #إلتهاب_شعبى مثلاً ( واللى من ضمن أعراضه الكحة برضو ) و السبب هنا ميكروب معين و المريض لو أخد الأدوية دى .. الحالة بتدهور جداً لأن الكورتيزون بيساعد على إنتشار الميكروب ده 🟥 فا اللى عاوزين نقوله إن الكحة مجرد #عرض لمرض معين لو شخصناه و عالجنا سببه .. الكحة هتختفى بإذن الله 🟥 أتمنى تنشروا البوست ده و تشاركوه مع ناس كتير لأن الموضوع ده عامل مشاكل كتيرة أوى و محدش قادر يوعى كل الأمهات للأسف #دكتور_أطفال_العيلة
