ഇന്ന് ദേശീയ ശിശുദിനം. വിശപ്പും അനാഥത്വവും ഭയവും പേറി ഒരു കുഞ്ഞും ഒരിക്കലും വിഷമിക്കരുതെന്ന് ചിന്തിച്ച നെഹ്‌റുവിന്റെ ജന്മദിനം. കുട്ടികളുടെ അവകാശങ്ങള്‍ക്ക് അന്താരാഷ്ട്രതലത്തില്‍ തന്നെ അംഗീകാരം ലഭിച്ച ഇക്കാലത്തും പക്ഷേ, ഗസ്സയില്‍നിന്ന് നാം കേള്‍ക്കുന്നത് കുരുന്നുവിലാപങ്ങളാണ്... കുഞ്ഞു ശിരസുകള്‍ പിളര്‍ന്നുവീഴുന്ന കരളറുക്കും കാഴ്ചയാണെങ്ങും. ഓരോ 10 മിനുട്ടിലും ഒരു കുട്ടി വീതം ഗസ്സയില്‍ കൊല്ലപ്പെടുന്നു എന്ന യു.എന്‍ റിപ്പോര്‍ട്ട് ഈ ദിനത്തിലും പങ്കുവയ്‌ക്കേണ്ടി വരുന്നത് വേദനാജനകമാണ്. നമുക്കു പ്രാര്‍ഥിക്കാം ഈ ശിശുദിനത്തില്‍ ആ കുരുന്നുകള്‍ക്കായി…. - @shezin.kc