بداية خلونا نكون متفقين إنه الجناش أفضل شي للتغطية من حيث الثبات و التماسك خصوصا في الطقس الحار و بهيك يفضل عن كريمة الزبدة بأنواعها لأنها حساسة جدا للحرارة 👌🏻 جناش الشوكلاتة الدارك:✅ عبارة عن دارك تشوكليت و كريمة سائلة (كريمة الخفق نسبة الدسم فيها> ٣٥٪؜) و تبعا لتغير النسب بين الشوكلاتة و الكريمة رح تختلف الاستخدامات، كيف؟؟؟ 1️⃣للتغطية: نسبة الشوكلاتة ٢ : نسبة الكريمة ١ بمعنى لو عندي ٢٠٠ جم شوكلت لازمني ١٠٠ مل كريمة سائلة 2️⃣بينما للحشو: نسبة الشوكولاتة ١ : نسبة الكريمة ١. يعني متساويين 3️⃣أما لو حبينا نستخدمها للدريب (خيوط الشوكلاتة النازلة ع الكيك): أنا بحاول أبسط المعلومة علشان المبتدئات بالكيك توصلهم المعلومة النسبة بتكون: ١ شوكلاتة : ٢ كريمة يعني لو عندي ١٠٠ جم شوكلت لازمني ٢٠٠ مل كريمة سائلة طريقة التحضير:✅ بنسخن الكريمة إلي ما قبل درجة الغليان بشي بسيط، لا يفضل نتركها تغلي ⛔️ و من ثم بنضيفها على الشوكلاتة و بنحرك بهدوء لحتى تدوب الشوكلاته تمام و تصير سائله لو ضل قطع بسيطة بنرجعها ثواني ع الميكروويف لتدوب تماما. بعدها بنغطي الجناش بنايلون الأكل بحيث يلامس سطحه و نتركها تبرد لثاني يوم ⛔️ لأنه يفضل انها تهدى التشوكلت و تتمازج المكونات بمعنى settle و بس نيجي نستخدمها يفضل نسخنها ثواني بالميكروويف و نقلبها لتصير لينة و تفرد معنا بسهولة هدا للتغطية✅ و بس غلفنا فيها الكيكة يفضل تغليفها بنايلون سترتش من كل الجوانب لحتى نقدر نحتفظ فيها بالثلاجة اذا حبينا نكمل الشغل فيما بعد و هدا بيساعد انه الجناش ما يحصله صدمة و يتشقق نتيجة اختلاف درجات الحرارة. بينما نسب للشوكلاتة البيضا للتغطية بتكون:✅ ٣ تشوكلت بيضا: ١ كريمة سائلة و قد تزيد نسبة التشوكليت عن هيك إذا كان الجو حار بزيادة. طبعا لا يفضل نخفق الجناش لانه رح يتحول لكريمة الجناش، هاي الكريمة بتكون رااائعة لتزيين الكب كيك و بتحافظ على شكل الرسمة و تنفع للحشو بعد.✅ لكن إذا للتغطية التقليب بالسباتيولا بيكفي👌🏻 أثناء شغل التغطية بالجناش يفضل الجناش يكون قوامه طري جدا لحتى يفرد معنا بسهولة و يفضل استخدام سكرابر معدنية ذات حافة حادة لتسهل الشغل و لازم نكون سريعين لان الحناش رح يبدأ يتماسك بسرعة، السكرابر المعدنية رح تكون افضل لتمليس الجناش لانه بنقدر نغطسها بمياه مغليه بحيث تسخن و تملس معنا الجناش بكل سهولة(هو في الأول و الأخير تشوكلت). بعد هالمرحلة فينا نترك الكيك ليجمد الجناش ممكن بدرجة حرارة الغرفة و بعدها نبدأ مرحلة تلبيس الكيكة بعجينة السكر🤗. #ganache #cakedecorating #tipoftheday #caketrends #caketips - @fatoon_bakery