ISITYHILELO 21:1-5 Izulu elitsha nomhlaba omtsha 1. Ndabona izulu elitsha, nomhlaba omtsha; kuba elokuqala izulu nowokuqala umhlaba udlule, nolwandle alusekho. 2. Ndaza mna, Yohane, ndawubona umzi ongcwele, iYerusalem entsha, usihla uvela kuThixo, uphuma emazulwini, ulungisiwe njengomtshakazi ehonjiselwe indoda yakhe. 3. Ndeva izwi elikhulu liphuma emazulwini, lisithi:Yabona, umnquba lo kaThixo unabantu;Uya kuhlala nabo emnqubeni,Bona babe ngabantu bakhe,Yena uThixo abe nabo, enguThixo wabo; 4. Azisule uThixo zonke iinyembezi emehlweni abo,Kungabi sabakho kufa,Kungabi sabakho nasijwili, nakukhala, nantlungu;Ngokuba izinto zokuqala zigqithile. 5. Waza lowo uhleli phezu kwetrone wathi, Ùyabona, izinto zonke ndizenza ntsha. Athi kum, Bhala; ngokuba lawo ngamazwi ayinyaniso, athembekileyo. #shortsermon KWABASEKORINTE I 15:51-58 51Yabonani, ndinixelela imfihlelo: Okunene asiyi kulala ukufa sonke; kodwa siya kwenziwa ngakumbi sonke, 52ngesiquphe, ngephanyazo, ngexilongo lokugqibela. Kuba liya kulila ixilongo, bavuke abafileyo bengenakonakala, senzìwe ngakumbi ke thina. 53Kuba kumele oku konakalayo ukwambatha ukungonakali, noku kufayo ukwambatha ukungafi. 54Xa ke oku konakalayo kuthe kwambatha ukungonakali, noku kufayo kuthe kwambatha ukungafi, liya kwandula ukwenzeka ilizwi elibhaliweyo lokuthi, Ukufa kufincelwe eloyisweni. 55Luphi na, kufa, ulwamvila lwakho? Luphi na, Hadesi,• uloyiso lwakho? 56Ulwamvila lokufa sisono; amandla esono ngumthetho. 57Makubulelwe ke kuThixo osinikayo uloyiso olo, ngayo iNkosi yethu uYesu Kristu. 58Ngoko ke, bazalwana bam abaziintánda, qinani, ningabi nakushukuma; nihlale niphuphuma umsebenzi weNkosi, nisazi nje ukuba ukubulaleka kwenu akulambathi eNkosini. #pastornono #ressurection #revelation #stateofthedead #adventistmessage #digitalevangelism #viralvideo #sermon #sermonclip #xhosatiktok #xhosatiktok🇿🇦 #amasala #revnono #pastornonochallenge - @isiphondzo