@qaz365kz: Мәжілісте жылқылардың қазақы тұқымын сақтау және өсімін молайту мәселелері бойынша отырыс өтіп жатыр. Жиында депутат Дайрабаев әріптестеріне үндеу тастады, деп хабарлайды Qaz365.kz. «Өткен күзде Ақтөбеде атбегілерді дайындайтын жерді көрдім. Қандай өзіміздің қазақтың жас жігіттері жұмыс істеп жүр. Бірақ олардың айлығы төмен. Алатыны 70-80 мың теңге. Ол қайтіп содан кейін спортпен айналысады. Орта, арнаулы, жоғары білім бар. Егер осы заң қабылданып, басшылылыққа алып, талап жазар болсаңыздар, біздің өзіміздің ауыл шаруашылығына қатысты үш университетке қосымша факультетке кіргізіп, әрекет жасайық бәріміз», - дейді Жигули Дайрабаев. Оның айтуынша, депутаттар «жылқыны дамытуда тарихта қалатын Парламент болайықшы, депутат болайықшы» деп өтінді. «Сондықтан, бастамаларды қолдаймын», - дейді ол. Жигули Дайрабаев ат деген қазақтың қанаты деп толғады. Атқа мінген қазақ батыр болады деп атап өтті. «Бұл мәселеге бәрімізбен оң көзбен қарайық. Шамамыз келгенше атсалысамыз», - дейді Дайрабаев. Мәжіліс депутаттары ҚР кейбір заңнамалық актілеріне спорттық бағыттағы жылқылардың қазақы тұқымын сақтау және өсімін молайту мәселелері бойынша өзгерістер мен толықтырулар енгізу туралы заң жобасын әзірледі. Заң жобасы үш заңға өзгерістер мен толықтырулар енгізуді көздейді. Олар: асыл тұқымды мал шаруашылығы туралы, селекциялық жетістіктерді қорғау туралы, агроөнеркәсіптік кешенді және ауылдық аумақтарды дамытуды мемлекеттік реттеу туралы заңдарға өзгеріс. Заң жобасы арқылы спорттық жылқы шаруашылығына мемлекеттік қолдау шараларын көрсету, спорттық бағыттағы жылқылардың қазақы тұқымын сақтау және оның елдегі популяциясының өсуі үшін жағдай жасау, ұлттық ат спорты түрлерін дамытуды, қазақ халқының мәдениетін, дәстүрлері мен өмір салтын насихаттауды қамтамасыз ету көзделген.

Qaz365.kz | Новости Казахстана

Open In TikTok:

Region: KZ

Thursday 14 December 2023 10:19:37 GMT