@sara.elsayed1994: #حلى #حلويات #بدون_موسيقى #كنافة #حلا كاسات الكنافه بكريمة القشطه😋 المكونات: الكنافه ربع كيلو كنافه ربع كوب زبده ٣ معلقه كبيره شربات تقيل كريمة القشطه : ٣ كوب حليب ٤ معلقه كبيره نشا ٤ معلقه كبيره سكر ١ معلقه كبيره كريم شانتيه ٢ حبه جبنه كيري مربعات ١ معلقه كبيره زبده علبة قشطه (١٧٠جرام) نص معلقه صغيره فانيليا معلقه صغيره ماء زهر الطريقه: بحضر كريمة القشطه الاول في حله بضيف الحليب والنشا والسكر والفانيليا والجبنه وماء الزهر والكريم شانتيه وبقلب كله عالبارد كويس جدا وبعدين ارفعهم عالنار لحد ما القوام يتقل وبعدين اضيف الزبده والقشطه واقلب لحد ما يبقى القوام كريمي ناعم برفعها من عالنار وافضيها في بوله واغطي وشها باستريتش واسيبها تهدى شويه وبعدين ادخلها الفريزر ساعه الكنافه بفرمها في الكبه لحد ما تبقى ناعمه خالص واضيف عليها الزبده المزابه واقلبها كويس جدا وبحمرها في طاسه غير لاصقه لحد ما تبقى باللون الذهبي لازم تقليب طول ما هي بتتحمر عشان تطلع لون واحد بشيلها من عالنار وبعدين بنزل عليها بالشربات التقيا واقلبها كويس جدا وتسيبها تبرد بجيب كريمة القشطه من الفريزر واضربها بالمضرب لحد ما تبقى ناعمه جدا وكريمي وبعد ما الكنافه تبرد ببدأ ارخص الطبقات فوق بعض وازينها واقدمها وبالهنا 😍

Sara Elsayed

Open In TikTok:

Region: EG

Saturday 23 December 2023 21:09:43 GMT