@1234jan11: قصيدة : مايهز الجبل ريح أمسيت في ليلة نميمة وتجريح والحقت بصغار العقول الهزايم واطفيت عن كثر الكلام المصابيح واصبحت ولساني عن الذنب (صايم) تركتهم بين السهر والتباريح اشبع رقاد ومابهم جفن نايم يلوحون وماني بيم تلويح مقفي بسمعي هــروج النمايم ولوني من اللي يربكه كل تلميح ماكان صرت في مقدم السرب دايم عاقل ولو يكثر كلام المشافيح محشوم لو زادوا علي التهايم لأني جبل ولا يهز الجبل ريح وعزيمتي تنطح كبار العزايم اطيح القايم واذا قمت ما اطيح وان جا فـ يوم وطحت ، باطيح قايم اليا حضرت ادحم متون الزحازيح وان طالت الغيبات جبت الغنايم ولو كنت صيده في شباك الطواريح ماصرت عشق محشمات اللثايم اللي يبي يزعل بلا ذنب بقريح ماني ورى طرد المقفين هايم الهرج واضح مايبي زود توضيح حتى ولو بيلومني فيه لايم اسكت حشيمه للوجيه المفاليح والا ترى ماني عن الهرج (صايم) وياللي يدور من وراي اي تصريح لا يستحل ضهورنا بالشتايم مافيه داعي ترفع الصوت وتصيح تراي ساكن في شمال القسايم شعر حامد زيد #HamedZaid #قصيدة_على_حين_غره #حامد_زيد #موهبة_الشعر #الشعر_العربي #الشعراء_المعاصرين #الشعر_الرومانسي #الفنون_الأدبية #الإبداع_الشعري #الثقافة_الأدبية #التعبير_الفني #تصميمات_فنية #الأدب_العربي #الشعر_الحديث #فن_الأداء #الشعر_الشعبي #التراث_الشعبي #الشعر_المصري #الشعر_المغربي #الشعر_العراقي #الشعر_السعودي #الشعر_الخليجي #الشعر_اليمني #الشعر_الفلسطيني #الشعر_السوري #الشعر_التونسي #الشعر_الجزائري #الشعر_اللبناني