إزرعها بطاطا 🥔🤣 تبدا انت في الحبس ، وداركم يستحقّوك شنيّا تعمل ؟ فمّا طفل عمرو 27 سنة دخل للحبس بتهمة اختراق المخابرات الأمريكية . و Tellement كان ذكيّ كانوا يعيّطولو الثعلب . صاحبنا الثعلب أبوه كان راجل كبير على الآخر في العمر وعايش وحدو . حبّ يزرع بطاطا في الأرض متاعو وبالطبيعة مانجّمش على خاطرو كبير في العمر . كيف لقى روحو عاجز ، بعث جواب لولدو وقالّو : ولدي العزيز تمنّيت إنّك تكون معايا باش تعاونّي نحرث الأرض ونزرع فيها بطاطا . وبعد أيامات وصل جواب للأب يقول : بابا العزيز ردّ بالك تحرث الأرض على خاطرني خبّيت فيها حاجة مهمّة على الآخر كيف نخرج تو نقلّك شنيا هي . ماتعدّاتش ساعة واحدة وإذا بالجيش والاستخبارات يحاصرو المنزل ويحفروه شبر ، شبر ويفركسوا وما يلقاو حتى شيء . ياخي هزّوا رواحهم ومشاو وخلاو الأب ماهوش فاهم حتى شيء . ومن غدوة يوصل جواب آخر للأب من عند ولدو يقول : بابا العزيز ان شاء الله تكون الأرض تحرثت بالباهي ، فهذي أكثر حاجة نجّمت نعاونك بيها ، وكان استحقّيت حاجة اخرى قلّي . وقتها فهم الأب شنيّا اللي صار وزرع الأرض متاعو بطاطا . إذا عجبتّك القصّة حط لايك وانشرها باش تفيد بيها غيرك . كان معكم نادر هلال ، سلام 🙏💛 ‏Don’t Follow @Nader.Hellell #قصص #روايات #حكم #قصص_حقيقية #نصائح #مواقف - @nader.hellell