وصفة ''السانت اونوري'' 😋 رقصة الفانيليا 🌼 والكراميل 🍮! saint honoré 😋 a vanilla 🌼 and caramel 🍮 dance ! ملاحظة:وصفة الكريم باتيسيير وعجينة الشو la pate a choux تلقاوهم في منشورات على صفحة الإنستجرام مع وصفات أخرى “اهبطوا شوي تلقاوهم 👇😄” و أحفظوهم باش ترجعوا ليهم كي تحتاجوهم. العجينة المورقة: -280g فرينة -5g ملح -180g ماء -40 زبدة ذايبة نذوب الملح في الماء مبعد نزيدو هو والزبدة على الفارينة ونخلط حتى تتلم برك ونخليها ترتاح لنصف ساعة،في التوريق استخدمت 140g زبدة التوريق. وتوريتها ستة عادي (tour simple x6) نقدر نديرها 2 عادي في نصهم 2 دوبلي، وبين كل زوج تور نخليها ترتاح 30 دقيقة، بعد ما توجد نكسلها بعرض 3ملم تقريبا ونقطعها بقالب مدور القطر لي نحب. في طيابها لازم درجة حرارة 180 درجة في فرن يكون مليح، لمدة 25 دقيقة وبعدها نخرجها ونرشلها طبقة مليحة من سكر بودرة ونعاود نرجعها للفور ونشعللها غير من الفوق باش يتكرمل السكر لي فوقها. الغاناش فانيلا: - 100g شكلاطة بيضاء - 200g كريمة طازجة +28% مواد دسمة - ورقة جيلاتين (نخليها في ماء بارد) - 5g عطر الفانيلا سخن نصف كمية الكريمة ومبعد نزيد عليها الشكلاطة ونحرك كي تذوب نزيد نصف الكمية الآخر و نزيد ورقة الجيلاتين و عطر الفانيلا ونميكسيها، نخبيها في الثلاجة بعد ما نغطيها ولازم تريح قبل ما نضربها بالباتور على الأقل 6 ساعات. كاراميل التزيين: -30g غلوكوز -300g سكر -100g ماء على نار متوسطة حتى يتكرملي، أو كي يوصل لدرجة 145c. التركيب: الطبقة التحتانية عجينة مورقة مكرملة، على الحواف شو صغار محشيين بكريم باتيسيير فانيليا ومن فوق مزينين بكراميل، في الوسط كريم باتيسيير، وفوقها غاناش مونتي فانيليا، والفوق شو كيما لي في الحواف باش تمد نظرة مليحة. ‏ Bon appetit 👋😋 #caramel #vanilla #وصفات #hatemdessert - @hatemdessert