បទពង្សាវតារខ្មែរ ជាស្នាដៃរបស់ សាស្ត្រាចារ្យ នួន កន (១៩៣៤ - ២០០២) នៃសកលវិទ្យាល័យភូមិន្ទវិចិត្រ សិល្បៈ និពន្ធនៅថ្ងៃទី ១២ខែកញ្ញា ១៩៥៨ អត្ថន័យក្នុងបទនេះ មានលក្ខណៈជាតិនិយម ដោយបានទូន្មានឱ្យមនុស្សគ្រប់រូបយល់ដឹងពីសាវតារ និងវប្បធម៌ដ៏រុងរឿង ឧត្តុង្គឧត្តមរបស់យើងកាលពីសម័យមហានគរដែលបានផ្សព្វផ្សាយរហូតដល់ចុងបូព៌ា។បទនេះក៏បានបង្កប់នូវមនោសញ្ចេតនាសេចក្តីស្នេហាជាតិ បណ្តុះគំនិតឱ្យមានភាពជាតិនិយម និងបង្ហាញពីមោទនភាពដែលបានកើតមកជាកូនខ្មែររស់នៅលើទឹកដីសុវណ្ណភូមិ។ ជាងនេះទៅទៀតបទចម្រៀងនេះក៏បានដាស់សតិកូនខ្មែរគ្រប់រូបឲ្យងើបឡើង តាំងចិត្តឲ្យមុតមាំដើម្បីថែរក្សា និងលើកតម្កើងវប្បធម៌ជាតិខ្លួនឲ្យរុងរឿងដូចសម័យមហានគរ។ - @stnews180823