@fahadn54: #ياذيك_الليالي_وين_رحتي_وحنا_وين #عسى_الله_يعين_القلب_في_مفارق_الغالين #ترفق_بحال_اللي_حياته_شقاويه #ليال_عساها_تعود_مادامنا_حيين #خذتنا_ظروف_الوقت_كل_على_نيه #الحب #بوح_المشاعر #خواطر عسى الله يعين القلب في مفارق الغالين بعد شوفة الاحباب .. ليلة وداعيه سهرنا سوى .. والليل عدا منه ثلثين وبعده توادعنا في لحظه مصيريه وبديت بحياة ثانيه ليلها ليلين وقلبي طواه الهم .. طيه ورى طيه يا وقتي ترفق بي فراق الحبايب شين ترفق بحال اللي حياته شقاويه اليا مره الطاري تهامل دموع العين من احزانه اللي تحت الاضلاع مخفيه يحاول يعديها ويسلى مع السالين وهو كل ساعة في خيالات ماضيه سقى الله سنين العمر يوم الزمان الزين ما تعرف هموم الوقت ذيه ولا ذيه ياذيك الليالي وين رحتي وحنا وين خذتنا ظروف الوقت .. كل على نيه ليال عساها تعود مادامنا حيين وتشوف الحياه الحلوة نفوسنا الحيه غريب المشاعر حن لارضه وللغالين ولا يامه اللي قبل يوم الوداعيه