@ashrfbaballhbdalsyd9: أحمد الجابري وهو بغرد بأحلى نغم، " حد يشعر بالسعادة ويمشي يختار البعاد " بعيدًا عن عذوبة الصوت، ولحن ناس زمان الجميل. الكلمات ذاتها ذات معنى عظيم وبتخليك تفكر.. كتير مننا دايما بختار الشقى أو بمعنى آخر بختار يمشي يفتش على ناس هو بحبهم وبتناسى أو بتجاهل تمامًا، الشخص الدايمًا بكون جنبو وبسندو وبحبو حقيقي حكمة والله وحكاية تشغل أذهان العباد! مرة حكا لي صحبي أنو في بت ما، فضلت تحاول معاها سنين كل ما تخليهو يمشي بجيها، بينما هي منتظرة زول تاني وبتدعي طول الوقت أنو يكون معاها ومن نصيبها! كان بجيها كل مرة بشوق ولهفة! وبتصدو بغادر وهو متعذب وبنزوي وبخلي كل البنات " ناس بتتعذب وحيدة، وناس بتنعم بالوداد " سحر ما بدفعنا دايما أنو نرجع لي نقطة الصفر كلما نتقدم خطوة في النسيان، نظرة البنحبو أو كلماتو أو حتة موقف بسيط وهذيل ممكن يعيدنا تاني! أكيد شاعر القصيدة دي كان بيعاني جدًا من الحب المن طرف واحد! وكان كلما يقرب محبوبتو بتبعدو فبقول ليها " إنتي بتحبي العناد، ولا بتحاول بدلك تشغل الروح والفؤاد"! كان بحاول يكسب الود وهو بقول ليها أحكي لي أحكي لي قصة غرامك كيف بديت حبك زمان كيف بديت كيفن بديت في الحب كلامك يا ينابيع الحنان كيف بتبادل المحبة ولا بتعاند الأحبة! وحكمة الله يا أخوانا، أنو ناس تنعم بالمودة وليها مجد الحب يعود، ناس تحاول ليها مدة وما لقت غير الصدود!! #متابعه_ولايك_واكسبلور_فضلا_ليس_امر