වෛද්‍ය ශිෂ්‍ය පද්මසිරි ත්‍රිමා විතානව පැහැරගෙන යන්නේ 1988/10/22 දී, පැහැරගෙන ගිහින් දසවද දීලා ඇස් උගුල්ලලා යටිපතුල් පළලා ඔළුව දෙපැත්තට පරාල ඇණ දෙකක් ගහලා ඒ ඇණ වලට ලණුදාලා වාහනේක ගැට ගහලා පාර දිගේ ඇදගෙන ගිහින් මරා දැම්මට පස්සේ ඒ විකෘති වෙච්ච මුහුණ සහිත දේහයේ අවසන් කටයුතු සිද්ධ කරන්නේ 1988/10/31 දී, ඔහුව කුරිරු ලෙස ඝාතනය කරල දැන් අවුරුදු "35" කුත් ගෙවිලා.." ත්‍රිමා ඉපදෙන්නේ 1964/02/29.." අද ඔහු ජීවතුන් අතර හිටියා නම් මේ වන විට අවුරුදු 59 ක පරිණත වෛද්‍යවරයෙක්" බොහෝවිට විශේෂඥ වෛද්‍යවරයෙක්..." ත්‍රිමා වෙනුවෙන් වට රවුම් වල හදපු පිළිරූ නෑ.." ත්‍රිමා වෙනුවෙන් උද්‍යාන වල හදපු ස්මාරක නෑ.." ත්‍රිමා වෙනුවෙන් රූපවාහිනී නාලිකා වල ගුණානුස්මරණ වැඩසටහන් යන්නේ නෑ.." නිදහස් අධ්‍යාපනය වෙනුවෙන් දිවි පුදපු ත්‍රීමා නමින් නම් කරපු ඉස්කෝල නෑ.." Google කරොත් පද්මසිරි ත්‍රීමාවිතානගේ photo කෑලි දෙකතුනක් විතරක් හොයාගන්න පුළුවන්.." නමුත්, ත්‍රිමාව කිසිම දවසක් හැබැහින් නොදැකපු ඒත් ත්‍රිමා රැකගන්න දිවි පුදපු නිදහස් අධ්‍යාපනයෙන් ප්‍රතිලාභ ලබපු තරුණයෝ අද ත්‍රිමාගේ රූපය Artificial Intelligence(AI) තාක්ෂණය ඔස්සේ ප්‍රතිනිර්මාණය කරන්න උත්සහ කරනවා.." සිසු විරුවෝ ගැන කතා කරද්දී නිතර කියවෙන පාඨයක් තමයි, "ඔවුහු ඔබට අසීමිතව ප්‍රේම කළහ.." කියන පාඨය. ත්‍රිමා" ඔබ එදා උපනූපන් ලාංකීය සමස්ත ශිෂ්‍ය ප්‍රජාව වෙනුවෙන් හදවත තුළවූ අපිරිමිත ස්නේහයෙන් ඒ ම්ලේච්ඡයන් ඉදිරියේ අවසන් සුසුම් හෙළද්දී මව් කුසේවත් නොසිටිය උන් ඔබට පෙරලා ප්‍රේම කරනවා.." ඔබ ඔවුන්ට ප්‍රේම කළ තරම් නොවෙන්න පුළුවන්.." ඒත් උන් ඔබට ප්‍රේම කරනවා.." උන් ඒ හදන රූප ඔබේ සැබෑ රුවට ටිකක් දුර වෙන්න පුළුවන්.." ඒත් ත්‍රිමා සහෝදරයා.." උන් ඔබේ හදවතට හරි ළඟයි.."❤️ නිදහස් අධ්‍යාපනයට ජය.."👊 #respect #unsungheroes #freeeducation #hatsoff - @niwahalsithuwili