@qaz365kz: Бүгін Мәжіліс кулуарында туризм және спорт министрі Ермек Маржықпаев футболға бөлінетін қаржы азая ма? деген сұраққа жауап берді, деп хабарлайды Qaz365.kz. «Министрлікте футболға бөлінетін қаражат жоқ. Бүкіл қаражат жергілікті бюджеттен беріледі. Біз сондықтан әкімдіктермен жұмыс істеп жатырмыз. Бұрын футбол клубтарына 5 миллиард теңгеге дейін беріліп келген. Қазір 1,2 миллиардқа дейін азайттық», - дейді Ермек Маржықпаев. Сонымен қатар ол бокстан Қазақстан ұлттық құрамасының бас бапкері ауыспайтынын айтты. Мырзағали Айтжанов жұмысын жалғастыра бермек. Оның келісімшарты келесі жылға дейін жасалған. Ал Париж Олимпиадасына киетін Қазақстан ұлттық құрамасының формасын Испанияның Joma деген компаниясы тігеді. «Форманың сапасы өте жоғары болады деп сенеміз. Неге десеңіздер, қаңтар айында үлкен комиссия құрылған. Ол комиссияның құрамында әлем чемпиондары, қоғам белсенділері жиналып, 25 адамнан құралды. Бірінші кезеңде 8 дизайнер қатысып, 6 форманы алып, бірақ дұрыс форма арасында болған жоқ. Сондықтан, екінші кезең болып, онда көрсеткен форма шықты», - дейді министр.

Qaz365.kz | Новости Казахстана

Open In TikTok:

Region: KZ

Thursday 18 April 2024 10:37:11 GMT