@cook_with_marwa: طريقة عمل عجة البيض بالخضروات .. اصلى👌🏻 ____________________________________ يلا نعمل العجة المصرية الاصيلة بالخضروات لذيذة جدا ً .. هى تعتبر فطيرة سايلة مكونتها بيض ودقيق وخضروات وبندخلها الفرن تنفع للفطار والعشا والغدا كمان مع شوية بطاطس ..فى طاسة سخنه على نار متوسطة هننزل بمعلقة كبيرة زبدة وشوية زيت واول ما الزبدة تحمر شوية ننزل ببصلة صغيرة متقطع صغير ووراها قرنين فلفل متقطع وده اختيارى واول ما البصلة تصفر شوية .. ننزل بطماطميتين من غير القلب بتاعها وبردو متقطع صغير.. تقليبة حلوة .. وانزل بالخضروات .. اضفت ١ فلفل الوان اصفر مكعبات صغيرة ..١ فلفل الوان احمر و١ اخضر واول ما الخضار يبتدى يعرق ننزل بملح فلفل كمون كزبرة بابريكا واخر حاجة خالص ١/٢ كوب بقدونس متقطع ونقلب ودقيقتين بالكتير ونطفى النار ونخلى الخليط اللى لسا عملينه ده يبرد . في بولة ننزل ب٨ بيضات مخفوقين برشة فلفل اسود وربع كوب دقيق ومعلقة صغيرة بيكنج بودر منخولين ونضرب الكلام ده كله في بعضه بعدها ننزل بخليط البصل والخضروات اللى عملناه على النار وسيبنا يبرد على البيض ونقلبهم .. الخليط لازم يكون بارد علشان ميتحولش لاومليت لا قدر الله 🤭 ندهن الصنية بالزبدة وننزل بخليط العجة في الصنية ونحطها في الفرن ساخن مسبقا بربع ساعة كدا.. على الرف الاوسط ٢٠٠ درجة لمدة ٣٠ دقيقة بعد كدا نفتح على الشواية علشان الوش يحمر مع طبعاً متابعتها علشان متتحرقش مننا والنتيجة عجة في منتهى الجمال مش قادرة اوصفلكم الطعم عامل ازاى .. طيب نتأكد ازاى العجة استوت من جوه .. بنختبر العجة بخلة او عود خشب ..لو طلعت نضيفة يبقا العجة استوت ١٠٠ في ال ١٠٠ لو محصلش نخليها كمان خمس دقايق فى الفرن. وبس كدا .. يارب يكون الفيديو عجبكم متنسوش بقا اللايك والكومنت الجميل مثل قلوبكم اشوفكم مع وصفة جديدة وفى رعاية الله تابعونى يا اجدع ناس في الدنيا ♥️ ____________________________________ #fyp #viral #foryou #foryoupage #عجة #بيض #اومليت #egg #omelette

حبو المطبخ Marwa Lashin

Open In TikTok:

Region: EG

Thursday 18 April 2024 14:51:22 GMT