@qasym_myqazaq: Біреу білер, біреу білмес, "Салиқалы ұрпақ" қоғамдық қорының құрылғанына 8 жыл болды. 8 жылда талай іс атқарылды. Оның бәрін жіпке тізсек, бір постқа сыймас. Бірақ бұл жолғы еңсерілген шаруаның жөні бөлек. Елімізді су басып, халық жылы ұясынан айрылғанда "Салиқалы ұрпақ" қоғамдық қоры да бей-жай қарап отыра алмай, Арқалыққа аттанғанын тұрақты оқырман жақсы біледі. Су шайып кеткен жердің бәрін өз көзімізбен көрдік. Халықтың жан айқайына құлақ түрдік. Мұң-мұқтажын сұрадық. Көптің тілегі киіз үйге тоқталды. Расында да, құбылмалы ауа райында ата қонысымыз - киіз үйден артық пана жоқ екені даусыз. Сондықтан осыдан 10 күн бұрын Арқалықтың жанындағы Екідің, Қосжұлдыз ауылдарына киіз үй әкелеміз деп уәде қылып кеткенбіз. Бірден тапсырыс беріп, жасатып, енді міне, ақшаңқай үйлерімізді "бисмиллә" деп, ауыл ішіне құрып, оны халыққа тапсырдық. Қуанышты жүздерін көргенде жүрегің толқып та кетеді екен. Небір қилы кезеңде ұлтына пана болған киелі киіз секілді “Салиқалы ұрпақ” та халықпен бірге және болып қала бермек!

639

2024-05-26 17:08:00

2024-05-26 21:44:45

To see more videos from user @qasym_myqazaq, please go to the Tikwm homepage.