@web.al: Arjan Doçi, 38 vjeç dhe Mentor Çuni 39 vjeç janë dy të arrestuarit pas gjetjes së 7 pakove me kokainë, me peshë 7 kg e 300 gram, në një furgon mallrash Portin e Durrësit. Mbrëmjen e djeshme furgoni ka shkuar në portin e Durrësit për tu nisur drejt Barit, (Itali) dhe më pas destinacioni përfundimtar ishte Anglia. Por pas sinjalizimeve se brenda tij kishte sende të paligjshme, furgoni i është nënshtruar vijës së dytë të kontrollit. Skaneri ka zbuluar 7 pakot me kokainë poshtë sediljes së shoferit, në një fund të dyfishtë në formë xhepi fundor që të ishte e vështirë të identifikohej nga policia. Kokaina ishte paketuar në qese vakumi për të mos u nuhatur nga qentë anti-drogë. Në cilësinë e provës materiale, policia ka sekuestruar 7 kilogramë e 300 gramë lëndë narkotike kokainë, 4 celularë, fugoni, 3950 euro, 21 700 lekë, 150 korona suedeze dhe 60 franga. Doçi është shoferi i furgonit të transportit të mallrave nga Shqipëria në Angli dhe anasjelltas ndërsa Mentor Çuni pronari i furgonit. Dy të arrestuarit janë kushërinjë me njëri-tjetrin, por nuk dihet nëse në këtë rrjet trafiku ka edhe persona të tjerë.

Albania

Open In TikTok:

Region: AL

Saturday 25 May 2024 20:06:08 GMT