@adham.kinaan: شاب من السويداء يعثر على مبلغ 70 الف درهم في الامارات اي ما يعادب 280 مليون سوري... ويسلمها للشرطة الإماراتية هيك هني شبابنا فيهم رفعة الراس واصحاب امانة وين ما كانوا كتب الصحفي فواز خيو يتحدث عن موقف لابنه سرجون الذي عثر على مبلغ كبير ولم ياخذه او يقبل مكافاة عليه واكتفى بإبلاغ الشرطة هناك وتسليمهم إياه "سرجون الكبير .. سرجون اللي ما قدر يبعثلي مصاري أول الشهر بسبب كان عندو عدة دفوعات ومجية نور لعندو كمان ، سألني فيك تكمل لآخر الشهر ؟ قلتلو ضبطو أموركن وأنا دخاناتي ومتتي وبرازقاتي عندي ، وإذا تضايقت بخبرك . سرجون بلاقي بالطريق 70 ألف درهم ما يعادل 280 مليون ليرة سوري ، بيأخذهن وبسلمهن للشرطة . الشبع شبع النفس ، والكبر كبر النفس مش عرض الأكتاف ولا كبر المضافات ، وشاف سرجون شو مر علينا حاجة وكانت تصلني أكبر ملفات الفساد ، وبأحد الملفات انعرض مبلغ كبير عام 2007 ، وكان القرار الدائم اني ما آكل ولا طعمي ولادي فرنك حرام . ما تزرع تحصد . كثير شباب سافرو عالإمارات وتخسرو ونامو بالحدائق ورجعو بدون فرصة عمل ، سرجون خلال 20 يوم لاقى فرصة وإن كان الراتب مش زيادة ولكن المهم ثبت أقدامو والدكتورة نجاح بنفس الإسبوع لاقت فرصة ، وأنا بعت السيارة وبعثتلو ثمن الاقامة .. الطيب والنقاء بيخلق هالة نظيفة إلك ، بتنعكس على الآخرين وتقبلهن إلك وتعاملهن معك ، وبتحمي من الأمراض طبعا وبتوازن الشاكرات اللي هن محركات الطاقة بالجسم . عبحكي علم طاقة أقدم من الأديان بكثيير . يسعد صباااحكن ويحفظ ولادكن ."
