@x4nmi.tehran1: ‎دەمەو بەیانی ڕۆژی هەینی بوو ‎كولێرە بە کونجی و ماستم کڕیبوو ، بۆ ئەو بەیانیە بڕیارم دا بەتەنها بچمە لای باوکم و وە ئەو خواردنە دڵخوازەی باوکم بکڕم کە هەمیشە حەزی لێبوو بەیانیان بیخوات هەرچەندە شتێکی سادەش بوو ، ئەگەر بگەڕێمەوە بۆ بەیانیەکانی هەینی ساڵانی ڕابردوو ... ‎باوکم زۆر حەزی لە ژەمی بەیانیان بوو منیش بە هەمان شێوە حەزەکانم چووبۆوە سەر حەزەکانی باوکم ، هەربۆیە هەر ڕۆژێکی هەینی بهاتایە هەر زوو هەڵ ئەستام چا'م لێ ئەناو باوکم بەخەبەر ئەهێنایەوە تا بچێت کولێرە بەکونجی و ماست بکڕێت و پێکەوە دانیشین بیخۆین" ... ‎ئێستاش کە هەینیە و بەیادی ساڵانی ڕابردوو هاتوم تا چێژ لەو کولێرە و ماستە ببینم کە پێنج مانگە خۆم ئەدزمەوە لێی و بێ باوکم منیش چیتر حەزم ناچێتە سەری , بە دوو کوپی چا'و کولێرەو ماستەوە خۆم گەیاندە گۆڕستان و بەیانی باشێکی جوانم لە باوکم کرد و کێلی قەبرەکەییم ماچ کرد ( بەیادی ئەو بەیانییانەی باوکم ئەهاتە لام و ناوچاوانی ماچ ئەکردم) ‎دوای چاک و چۆنی لە پەنای گۆڕەکەی دانیشتم و دەستم کرد بە خواردنی ماست و کولێرەکە ، بە دەم خواردنەوە زۆر قسەم لەگەڵ باوکم کرد و باسی بەیانیانی خۆمم ئەکرد کە بێ ئەو'م لە ماڵەوە و جاروبار زەردەخەنەیەکم ئەکرد بەرامبەری تاکو هەست بەو فەراغە گەورەیە نەکات کە لە دڵی من و بەیانیەکانمدا دروست بووە بە بێ ئەو ، ئاخر ئەمویست لە بەهەشتا ئاسودە بێت لەوێش بیر لە کچە بێچارەکەی نەکاتەوە ' ‎ئەو دوو کاتژمێرەی لای باوکم بووم هەستم بە ئاسودەیی ئەکرد ، بەڵام لەناکاو پیرەمێردێک هات و سەرەخۆشی خۆی ئاڕاستە کردم و بیرم هاتەوە کە باوکم وەفاتی کردووە ‎بەچاوێکی پڕ فرمێسکەوە شتەکانم هەڵگرت و خوداحافیزیم لە باوکی ئازیزم کردوو هەر کە لە گۆڕستان هاتمە دەرەوە ‎🖤تەرکی نانی بەیانیشم کرد و وەسەلام #x4nmi_tehrani

🖤

Open In TikTok:

Region: IQ

Thursday 06 June 2024 20:19:05 GMT