سەلام خەونی چەند ساڵەم، دیووتە ژیان بەکوێ گەیاندووم..؟؟ یان وەک هەمیشە بێ ئاگایت لێم..؟؟ بەڵێ ئەزیزم ژیان بە تەواوی منی گۆڕی، چوونکە من ژیانم دایە دەست تۆ و چارەنووسی خۆمم بە تۆوە گرێ دا ،بەڵێ ئەزیزم خودا منی درووست کرد بەڵام تۆ منت گۆڕی، ئەمشەو زۆر جیاواز لە شەوانی دی خەیاڵت دیسان بەرچاوی گرتووم و ناهێڵێت بخەوم، باشە قەرارە تاکەی من بەم شێوەیە ژیان بکەم ئاخر پێم ناڵێیت..؟؟ ئەبێت من تاکەی شەوان بەدیار خەیاڵی تۆوە وردە وردە خۆم بخۆمەوە ئاخر..؟؟ پێم ناڵێی بۆ وات کرد ژیانم بەم جۆرەی لێ بێت ..؟؟ بۆ هێشتت بەم جێیە بگەم خۆ من جگە لە خۆشوویستنت هیچ زەرەرێکی ترم نەبوو بۆت ئاخر ئەزیزەکەی دڵم ، من وویستم هەتا دونیا دونیایە لێت بڕوانم، سێری ناوچاوانت بکەم، غیرە لە لێوی سەرەوەت بکەم کە بەر لێوی خوارەوەت ئەکەوێت ،،، من وویستم پشت لە هەمووان بکەم و ڕوو لە تۆ بم، ئاخر ئەزیزی دڵم من وویستم ڕۆژێک دەستە بچووکەکانت هەست بە لێدانی دڵە مەینەتبارەم بکا، بەڵام نەکرا، من وویستم بۆ خۆرەتاوت ببم بە سێبەر، من وویستم بۆ تاریکیت ببمە چرا، بەڵام تۆ نەتوویست ، ئازیزی دڵم من وویستم بۆ قژەکانت ببمە شانە بەڵام تۆ نەتوویست، من وویستم بۆ ڕووخسارت ببمە خەندە و پێکەنین بەڵام هەمدیسان تۆ نەتوویست ،ئازیزم ئاخر من وویستم بۆ خەمەکانت ببمە دڵنەوایی ، ئاخر ئەزیزم من وویستم بۆ هەموو وەرزەکانت ببمە بەهار، بەڵێ ئازیزم من ئەمانەم ئەویست نەک خراپیت، باشە تۆ ئەمانەت بە خراپی لە قەڵەم دابوو وا منت نەوویست..؟؟ دڵنیابە ئەزیزم ژیان ناتوانێت کەسێکی وەک منت دوو جار پێ ببەخشێت تەنانەت لە منیشدا کەسێکی وات دەست ناکەوێتەوە جارێکی تر ، تۆ ئێستا نا وەلێ ڕۆژێک دەستەکانت پڕ بە باوەشی ئاسمان ئەکەیتەوە و داوای من لە خودا دەکەیت، دەزانم ڕۆژێک دێت بیری من دەکەیت و دڵتەنگ دەبیت ،تەنگ تەنگ بۆ حاڵی دڵم ، دەزانم دواجار ڕۆژێک ناخت دەسووتێت بۆ مردنی هەستەکانم، بەڵێ ڕۆژێک من هیچ هەستێکم بۆت نامێنێت و تۆش ئەو ڕۆژە لە من تێ ئەگەیت، دەزانم دواجار ڕۆژێک دێت کە تۆ هەست دەکەیت لە تەمەنی لاوێتیتدا چی هەڵەیەکت کردووە، بەڵام ئەو ڕۆژە زۆر درەنگ ئەبێت و تۆ هیچ گرنگییەکت نامێنێت لام و هیچ جێیەکت نابێت، ئازیزم ئەمە یاسای ژیانە قەدری شتە بەنرخ و جوانەکانی ژیانمان ناگرین تا ڕۆژێک سێر ئەکەین هیچی نەماون و بوونە بە یادگاری،دەزانم دوای چەند ساڵێکی تر ڕۆژێک دێت کە منت بیرەکەوێتەوە و خەیاڵم بەرۆکت دەگرێ ،بەڵێ ئازیزم ئەو کات قەدری من ئەزانیت و لە بن خۆتە بە هێواشی ئەڵێیت بەخودا فریاس تۆ جیاواز بوویت، بەڵام ئەو کات ئیدی هەرگیز گەڕانەوە نییە بۆ ڕابردوو و وە منیش چی دی نابینیتەوە ، نازانم ئاخۆ ژیان بەرەو کوێمان دەگەیەنێت بەڵام ڕەنگە یەکێکمان بمرین و ئەوی تر پێشی نەزانێت، گەر هاتوو مردن بەرۆکی یەکێکمانی گرت لەخوام داوایە و هیوادارم ئەو کەسە من بم کە لە پێشا ئەمرێت نەک تۆ، چوونکە تۆ پێوویستە بژیت تا من ڕۆحم ئاسوودە ببێت و لەو دنیا بحەسێتەوە، ئاخر ئەزیزم گەر تۆ نەبیت پێم ناڵێیت من چۆن هەبم..؟؟ پێم ناڵێیت من بۆ هەبم گەر تۆیەکی دڵ ڕەق و پێ نەزان لەم ژیانەدا نەمابێت..؟؟ پێم ناڵێیت من بۆ هەبم گەر تۆیەکی جوان لەم دنیا ناشرینەدا نەمابێت..؟؟ بەخودا ئازیزم من ژیانم ناوێت گەر بزانم تۆ چیدی لەم ژیانەدا نەماویت ، ئاخر پێم ناڵێیت مرۆڤ چۆن بێ هەناسەدان ئەژیت هەی هەناسەکەم..؟؟ #فریاس جۆینی تێلێگرام ببن لە بیۆیە - @fryaas