@youandayah: عيش نان هندي المكونات * ٣/٤ كوب مياه دافيه * ١ م ك سكر * ١ م ص خميرة * ٣ كوب دقيق * ١ ١/٢ م ك حليب بودرة * ١ م ص ملح * ١/٤ كوب زبادي، درجة حرارة الغرفة * ٢ م ك زيت زبدة الثوم - ٢ م ك زبدة - ٢ فص ثوم، مفروم - كزبرة مفرومه الطريقة 1. في بوله نخلط المياه، السكر و الخميره و نغطيها ١٠ دقايق الخميره تتفاعل. 2. ننزل عليهم الدقيق، حليب الودر، ملح و الزبادي و نخلط كويس لحد ما تتشكل معانا عجينه و لو العجينه ناشفة نزود معلقة مياه بالتدريج. نعجن ١٠ دقايق و العجينه حتبقى بتلزق و مانضيفش دقيق خالص الا لو العجينه شاربه مياه كتير و مش بتتلم. نفرد العجينه شوية و نضيف الزيت و نعجن كمان ٥-١٠ دقايق لحد ما العجينه تبقى طرية و بتلزق حاجة بسيطة. 3. ندهن البوله بشوية زيت و ننزل العجينه و نغطيها و نخليها تتخمر ساعة او احد ما يتضاعف حجمها. 4. نفرغ الهوا من العجينه و ننزلها على الرخامة و نقسمها ٨ قطع. ناخد كل قطعه و نفردها شوية و نطبقها على بعض و نكورها و نغطيها بفوطة و نخليها ترتاح ١٠ دقايق. 5. نفرد العجينه سمك رفيع و نرش شوية مياه على سطح العجينة. ننقلها على طول من على طاسه سخنة حديد زهر/ستانلس ستيل على نار متوسطة الجهة الي فيها مياه هي الي تبقى تحت. اول ما تاخد لون من تحت و تطلع فقاعات من فوق نقلبها على الجهة التانيه دقيقة تاخد لون بردو. نشيلها من على النار و ندهنها على طول بزبدة الثوم و نغطيها بفوطه لحد ما نخلص كل الكميه و الف هنا♥️. #fyp #fypage #fyppppppppppppppppppppppp #foryou #foryoupage #fypシ #viral #viralvideo #indian #indianfood #naan #naanbread #bread