طريقة عمل البطاطس الجمبري بالتفصيل لعمل ١ كيلو بطاطس ولو قلت الكمية تقل المقادير بالنسب المحدده يعني لو هتعملي ربع كيلو هتحطي ربع المقادير اللي هقولك عليها للكيلو الواحد ١- البطاطس عادية خالص تتقلي نص مقلية بحيث تستوي وقبل ما تستوي ب نص دقيقه او دقيقه تطلع من الزيت وتتساب تبرد تماما تماما تماما لإن لو مبردتش العجينة هتلزق عليها وتكلكع ف الطاسة ٢ - مكونات العجينة ( ريع لتر مياه . معلقة ملح صغيره . ١كيس بيكينج باودر او اقل من الكيس حاجة بسيطة . ١ مكعب مرقة دجاج . نص معلقة كمون صغيرة . طرف بسيط خالص لون طعام اصفر يعني شوية قد الحمصاية كدة يتقلب كل ده ف بعضه وتنزلي عليهم ب ريع كيلو دقيق يتقلب بحيث تكون عجينة لباني زي الزيادي كدة او طرية كمان عن الزبادي تتساب العجينة دي حوالي ربع ساعه عشان الباودر تظهر نتيجته وينفشها . البطاطس الباردة اللي قولنا عليها ف الأول تتقلب ف العجينة دي كما هو موضح او زي ما بتشوفو ف الفديو وتنزل الزيت او تغمسيها واحده بواحده عشان طاسة البيت صغيرة ولما تخلصي شوية تنزلي بغيرهم لغاية ما تستوي بتاخد حوالي من نص دقيقة ل دقيقة وبتستوي وللعلم النتيجه مش هتبهركم من اول مرة .. يعني الموضوع بيظبط مع كتر الممارسة وبعد كل مرة اثناء التعليم بتكتشفي العيب ف المرة اللي قبلها وبتعالجيه ويا رب تكونو استفادتو طبعا ممكن تضيفي كمون شطة بابريكا بصل باوظر توم باودر كاري كركم كل دي حاجات بتظبط التيست معاكي ست البيت .. كل ما ذاد الزيت ف الطاسة كل ما كانت النتيجة احسن عشان البطاطسايه بتكون واخده راحتها وعايمة ف الزيت بتاع المحل انت المفروض تفهم من خلال الفديوهات لمجرد ما تعرف الخلطه .. عجينتك جاهزة بطاطسك جاهزة حط بطاطس ف الطبق انزل عليها بالعجينة قلب وانزل يا باشا ف الزيت يتم تقليب العجينه مره تانيه بعد تجهيزها قبل اضافتها علي البطاطس #فول_فلافل_ابو_مازن جربو وقولولي النتيجة وصور وابعتولي ولو مظبطتش اكتبولي ف الكومنتات ونعالج الغلطات مع بعض تحياتي ❤️ - @ahmedabdeltawwab3