@muja_mercury: የአርባ ምንጭ ዩኒቨርሲቲ የማስተማሪያ እና ኮምፕርሄንሲቭ ስፔሻላይዝድ ሆስፒታል በቅርቡ ተመርቆ ሥራ በይፋ የሚጀምረው የአርባ ምንጭ ዩኒቨርሲቲ የማስተማሪያ እና ኮምፕርሄንሲቭ ስፔሻላይዝድ ሆስፒታል በአዲሱ የደቡብ ኢትዮጵያ ክልልና በአጎራባች ክልሎችና ዞኖች የሚገኙ ከሰባት ሚሊየን በላይ ኢትዮጵውያንን ያገለግላል ተብሎ ይጠበቃል፡፡ በ25,000 ካሬ ላይ ያረፈ ግዙፍና ውብ ሕንፃ ያለው ሆስፒታል አሁን ባለበት ደረጃ በአጠቃላይና ስፔሻሊቲ ደረጃ የሚሰጡ የውስጥ ደዌ፣ የቀዶ ጥገና፣ የአጥንት፣ የማኅፀንና ጽንስ፣ የሕፃናት፣ የእናቶች፣ ከአንገት በላይ፣ የሥነ-አዕምሮ ወዘተ. ሕክምናዎችን በተመላለሽና በተኝቶ ሕክምና ለመስጠት ዝግጁ ሆኗል፡፡ በምርመራ ደረጃም ቢሆን ሆስፒታሉ ከዚህ ቀደም እስከ አዲስ አበባ የሚደረጉ ጉዞዎችን የሚያስቀሩ የተለያዩ ዘመኑ የደረሰባቸው ቴክኖሎጂዎችን የያዙ የምርመራ ማሽኖችን ለአገልግሎት ዝግጁ አድርጎ የምረቃውን ዕለት እየጠበቀ ይገኛል፡፡ በዚህ ረገድ ሆስፒታሉ ሲቲ ስካን፣ የ “Magnetic Resonance Imaging (MRI)”፣ ዲጂታል የኤክስ ሬይ ማሽኖች፣ ዘመናዊ የአልትራሳውንድ ማሽኖች፣ አድቫንስድ የደም መመርመሪያ ማሽኖችን እንዲሁም የተለያዩ ምርመራ አገልግሎቶችን የሚሰጡ ላቦራቶሪዎችን ለአገልግሎት ዝግጁ አድርጓል፡፡