@pitutur_jawi: "Le, besuk yen uripmu wis mulya, pesen bapak lan simbokmu, tansah eling ya le, eling marang kancamu, gurumu, wong tuwamu uga pengeranmu, sing ati-ati ya le" Nasehat iki ngemu makna sing jero lan kebak wejangan kanggo urip. Bapak lan simbok ora njaluk apa-apa kejaba supaya kita tansah eling lan ngati-ati. Eling marang sapa? Sepisan, Eling marang asal usul tegese ora ninggalake jati dirimu, nguri-uri budaya warisan, lan tansah njaga nilai-nilai luhur, wong jawa ora ilang jawane Eling marang kanca-kanca. Kanca-kanca kuwi sing wis ngancani kita nalika susah lan bungah. Aja nganti lali marang wong-wong sing wis ngewangi kita ing wektu kepepet. Kapindho, eling marang guru. Guru sing wis mulang kita kawruh lan pitutur. Saka guru, kita dadi wong sing luwih pinter lan wasis. Mula, aja nganti lali marang jasa-jasane guru. Katelu, eling marang wong tuwa. Wong tuwa sing wis nggulawenthah kita wiwit cilik nganti gedhe. Sing wis menehi tresna tanpa winates. Aja nganti lali marang pengorbanan lan jerih payahe wong tuwa. Pungkasan, eling marang Gusti Pengeran. Gusti sing wis paring urip lan rejeki marang kita. Aja nganti lali ndedonga lan nyembah marang Pangeran. Kabeh kuwi kudu dilakoni kanthi ngati-ati. Urip iki akeh alangane, mula kudu tansah waspada lan ngati-ati supaya ora kesandhung. Nasehat iki minangka wujud tresnane wong tuwa marang putra-putrane. Mula, ayo padha nglakoni pesen iki kanthi temen-temen. Mugi-mugi bisa dadi berkah lan dalan kanggo nggayuh kamulyan ing donya lan akherat. #NasehatWongTuwa #KawruhJawa #UripMulya #ElingLanWaspada #CapCut

pitutur_jawi

Open In TikTok:

Region: ID

Sunday 07 July 2024 12:00:12 GMT