گەر کرا ڕۆژێک وەرە ، گەر کرا لەم ژیانەدا ڕۆژێک وەرە ، گەر کرا دەمەو ئێواراێنێک پێش خۆر ئاوابوون وەرە ، گەر کرا ڕۆژێک غروورت بخە بن پێت و وەرە ، گەر کرا پێش ئەوەی یەکێکمان بمرین وەرە ، بەڵێ ئازیزم پێش مردن وەرە ، وەرەو با پێکەوە لە شوێنێک دا بنیشین و باسی ساڵانی لاوی بکەین ، من باسی هەموو ساتەکانی بێ تۆیمت بۆ ئەکەم ، من باسی ئەو کاتانەت بۆ ئەکەم کە بێ تۆ بووم و پێت ئەڵێم بە هۆی نەبوونیتەوە چی بەسەر ژیانمدا هات ، بۆت باس ئەکەم و پێت ئەڵێم کە بە هۆی تۆوە لەماوەی چوار ساڵدا چۆن لە فریاسێکەوە گۆڕام بۆ فریاسێکی تر، بۆت باس ئەکەم و پێت ئەڵێم نەبوون چی زەڕبەیەکی لە ژیانمدا ،گەر کراو ڕۆژێک لەم ژیانەدا هاتیت پێت ئەڵێم کە بێ تۆ چۆن هەموو ڕۆژ ورد بوونی خۆمم ئەبینی ، باسی ساڵانی پێش شانزە ساڵیم ئەکەم و پێت ئەڵێم پێش ئاشنابوونم بە تۆ چۆن ئەژیام و دواتر باسی ئەو ساتەت بۆ ئەکەم کە ئاشنا بووم بە تۆ و باسی ساڵانی دوای شانزە ساڵیمت بۆ ئەکەم ، ئەوکات تێ ئەگەیت مرۆڤێکت چۆن لە ژیان سەرگەردان کرد ، بۆت باس ئەکەم تا بزانیت چۆن مرۆڤێکت بێ ئومێد کرد ، بۆت باس ئەکەم تا بزانیت چی زەرەرێک بوویت بۆ عومری گەنجیم ، گەر کرا و ڕۆژێک هاتیت تۆ بۆم باس بکە تا بزانم ئەو کاتانەی من بەهۆی تۆوە ناخۆشترین ڕۆژەکانی ژیانم بەڕێ ئەکرد تۆ چۆن ڕۆژەکانت تێ ئەپەڕاند ..؟؟ ، بۆم باس بکە تا بزانم ئەو کاتانەی من بەهۆی تۆوە لە خودا ئەپاڕامەوە و دوعای مردنم لە خۆم ئەکرد تۆ بە چییەوە وا سەرقاڵ بوویت کە منت لەبیر نەبوو..؟؟ ، بۆم باس بکە تا بزانم چی هۆکار بوو کە بۆ ساتێکیش منت لە بیر نەبوو ..؟؟، گەر کرا و ڕۆژێک ڕێ کەوت بۆ کەمێکیش بێت وەرە ئاخر ئەزیزم کەمێکی تۆ زۆری هەموو شتێکە، گەر کرا و ڕۆژێک هاتیت ئازیزی دڵم پێم ئەڵێی بۆ وات کرد ژیانم بەم جێگەیە بگات..؟؟ پێم ئەڵێیت بۆ ئومێدێکت پێ دام و دواتر بێ ئومێدت کردم ..؟؟ ، گەر کرا ئێوارەیەک پێش خۆر ئاوا بوون وەرە ، تا پێکەوە لە بەرزاییەکی ئەو شارەی کە من و تۆی پێک ئاشنا کرد دا بنیشین و سێر ئاسمان بکەین و بەدیار خۆرئاوابوونەوە سەر لەسەر شانی یەک هەموو قسەکانی دڵمت بۆ بکەم ، ئەو کات ئەو ترس و شەرمەی کە وای کرد هیچ کات خۆشەویستییەکەمت بۆ باس نەکەم فڕێی ئەدەمە لایەکەوە و بێ گوێدانە وەڵامەکەی تۆ پێت ئەڵێم خۆشمدەوێیت، ئەو کات گەر لەسەر شانەکانت بشمرم کێشەم نییە ،چوونکە لەسەر شانی ئەو کەسە ئەمرم کە تەواوی گەنجیم بۆی ژیام ، بەڵێ ئازیزم من ئەمەوێت تەنها ئێوارەیەک یەک ئێوارە لە تەواوی عومرتا بۆ من تەرخان بکەیت و ئەو ئێوارەی ڕۆژەت بۆ من دا بنێیت ، تا پێکەوە سێر خۆرئاوا بوون بکەین ئەوسا ،بەدیار خۆر ئاوابوونەوە پێت بڵێم ئازیزم تۆ ڕۆڵی خۆر ئاوا بوونت بینی لە ژیانمدا، پێت ئەڵێم کە بە هۆی تۆوە چۆن خۆر ئاوا بوو و تاریکی لەدوای خۆیدا هێنا ئاوهاش تۆ تاریکیت بۆ ژیانم هێنا و منت ئاشنا کرد بە دڵتەنگی ، هەر ئەوسا بەدیار هەڵهاتنی مانگەوە پێت ئەڵێم کە تۆ ڕۆڵی مانگیشت ئەبینی ، بەڵام بۆ کەسێکی تر ، پێت ئەڵێم ئەو کاتەی وەک خۆر ئاوا بوویت لە ژیانمدا ، بوویتە مانگ و بۆ تاریکی کەسێکی تر بوویت بە ڕووناکی و هیوا و ئومێدت پێ بەخشی ، وە ژیانی منیشت تا دوونیا دوونیایە تاریک و بێ ئومێد کرد ، توخوا ئازیزی دڵم ئەوکات پێم ئەڵێی بۆ ئەم کارەت لەگەڵ مندا کرد و وات لە ژیانی من کرد ..؟؟ ، ئاخر ئازیزی دڵم تۆ دەستەکانی منت بەردا و دەستی کەسێکی ترت گرت ، تۆ منت وەلا ناو باوەشت بۆ کەسێکی تر کردەوە، ، تۆ پشتت لە منێک کرد کرد کە بە هۆی تۆوە پشتم لە هەمووان کرد ، تۆ منت لە خۆت دوور کردەوە هێند دوور کە نەم ئەزانی ئایا بوونت لەم ژیانە وێرانکەرییەدا ماوە یاخود نا ، گەر کرا و دەمەو ئێوارەیەک هاتیت ئەوسا پێت دەڵێم گەر تۆ بتەوێت،دیسان دەتوانیت بە یەک نیگا خەمەکانم کەم بکەیتەوە ، توخوا ئازیزی دڵم ئەو کات وەک یەکەم بینینمان دیسان نیگام بۆ ئەکەیت..؟؟ - -جۆینی تێلێگرام ببن لە بیۆیە نووسینەکانم داناوە #فریاس - @fryaas