@youandayah: كيكة التين المكونات - ٣/٤ كوب زبدة، درجة حرارة الغرفة - ١ كوب سكر - ٤ بيض، درجة حرارة الغرفة - ١ م ص فانيلا - ٢ كوب دقيق، منخول - ١ م ص بيكاربونات صودا - ٢ م ص بيكينج بودر - ١ م ص قرفة - ١/٤ م ص قرنفل بودر - رشة جوزة الطيب - ١/٢ م ص ملح - ١ كوب لبن رايب - ١ كوب مربى تين - ١/٢ كوب بيكان/جوز، مفروم خشن - ١/٢ كوب تين مجفف متقطع قطع صغيرة الطريقة 1. ننخل الدقيق، بيكينج بودر، بيكاربونات صودا، قرفة، قرنفل، جوزة الطيب و الملح و نخلط كله كويس و نخليه على جنب. 2. في بولة الخلاط نخلط الزبدة و السكر ٤-٥ دقايق لحد ما يفتح لونه و يبقى خفيف بعدين نضيف البيض واحدة واحدة مع الفانيلا و نخلط كويس بعد كل بيضة. بعدين نضيف ١/٣ الدقيق بعدين ١/٢ اللبن بعدين ١/٣ الدقيق بعدين باقي اللبن و باقي الدقيق و نخلط لمجرد ما يختفي الدقيق و مانبالغش في الخلط. بعدين نضيف المربى و البيكان/الجوز و التين المجفف و تقليبة كمان. 3. ندهن قالب الكيك بشوية طحينة او زبدة و عليها رشة دقيق و ننزل خليط الكيك في القالب و نوزعها بالتساوي و ندخلها فرن سخن على درجة حرارة ١٨٠ لمده ٤٥-٥٠ دقيقة او لحد ما ندخل خلة و تطلع نظيفة. نخلي الكيكة تهدى ٣٠ دقيقة بعدين نقلبها على طبق التقديم و نخليها تبرد تماما و الف هنا♥️. #trendingreels #trending #explorepage #explore #foryou #fyp #fypシ #viral #viralreels #Foodie #egypt #fig #figs #fruitcake #cake
