@khalifa_hassouna: 🎬 أجواء السهريات في #طبرقة 🩵🎶 قصيدة #يا_دار_جيت_نزورك يا دار جيت نزورك عرضتني ريحة بخورك تفكرت بابا اللي بناك و من عرقو طلع ياجورك تفكرت أمي في البرد تسقي في كعبات الورد يامحلى عود الياسمين شايخ متكي على سورك 💖😢💖😢💖 يا دار جيت نطل عرضتني ريحة الفل تفكرت أيام زمان و ليالي سيدي رمضان تفكرت الحومة و الأحباب و لمتنا في نهار العيد تفكرت خمسة على الباب و شباكك سيدي بوسعيد 💖😢💖😢💖 يا دار جيت نعشي شدتني قعدة العشية في بالي مشوار و نمشي سهرت معاك للصبحية تفكرت على حصيرة ملوح نسمع في غنايات تدوخ أم كلثوم و زكريا 💖😢💖😢💖 يا دار جيتك كالعادة ما لقيتكش كيف العادة ما لقيتش ريحة البخور و لقيت على حيوطك القشور عرفتك في حيرة و في غربة حصرتك الأيام الصعبة لا دبك لا حس لا جو لا ونس لا ماء لا ضو حزنك علي عاشو فيك هجروك و ما سألو عليك يا حسرة على أيام السعادة يا دار جيت نزورك 🙏👌💕🇹🇳💕🙏 #قصيدة "يا دار جيت نزورك" للشاعر منذر العيادي Mondher Ayedi 🌺👌 شكرا للزميل Mounir Maghrebi على الفيديو 🎬
