@dr_strawberry27: الكروكي 😍 أكثر وصفة طلبتوها مني. حلوة تقليدية جزائرية ، سهلة و خفيفة مع قهوة حليب 😍. اليوم جبتهولكم بطريقتي . يجي خفيف و التزيين بمعجون المشماش و كاوكاو محمص ، ريحة لا تقاوم 😍. الوصفة: - كاس بيض (4 حبات) - كاس سكر - فانيليا - كاس زيت - كيس خميرة كيميائية - ملعقة كبيرة نشاء (انا نسيتها) - فرينة . الطريقة: في وعاء نخلط البيض و السكر و الفانيليا. و ننزع القليل من هاذا الخليط و نخليه على جنب ( نستعملو لاحقا باه ندهن الكروكي قبل ما ندخله للفرن) . نضيف الزيت على مهل و نخلط بالخلاط الكهربائي. ثم نصفي الفرينة و الخميرة و نخلط حتى نتحصل على القوام مثل في الفيديو. نبدا نضيف الكاس الاول ثم الكاس الثاني . و نضيف الكاس الثالث تدريجيا. العجينة لازم تبقى طرية و تتلاصق و رايحة تجيكم صعبة في التعامل معا لكن ما تشيحوهاش كيما الصابلي باه تعطيكم كروكي خفيف. نخليها ترتاح في الثلاجة قليلا ثم نشكل حرابيش صغيرة . اتا عملت 4 حرابيش و نستعين بالفرينة حتى تعاونا نشكل الحرابيش ، كيما قلتلكم العجينة تكون طرية و تتلاصق . نجيب خليط البيض السابق و نضيفله ملعقة صغيرة قهوة و ندهن الحرابيش. نعمل الخطوط بالشوكة مثل الفيديو. و الطهو يكون في فرن مسخن مسبقا على 180•. نطيب الكروكي من الاسفل ثم نشعل الفرن من الاعلى حتى يتحمر. و عند خروجه من الفرن ندهنه بطبقة من معجون المشماش و نرش عليه مكسرات (أنا حضرت خليط من الكاوكاو و الجلجلانية محمص و مرحي). . . . . . #قهوة_جزائرية #قهوة_العصر #قهوة_العصر_الجزائرية #فطور_جزائري #كروكي #كروكي_جزائري #كروكو #قاطو_جزائري #حلوة_جزائرية #حلوةالطابع #حلويات_قهوة #حلويات_جزائرية_تقليدية #حلويات_جزائرية #your_coffee #قهوة_الصباح #قهوة_المساء #قهوة_عربية #قهوة_تايم #فطور_الصباح #فطوري #فطور_صباحي #morningcoffee #morningcoffee☕️ #coffetime #kroki #krokialgérien