@celinograd_madeniet: 🔹«Бүгін – «Абай күні».  10 тамыз – қазақтың бас ақыны Абай Құнанбайұлы дүниеге келген күн. Үкімет қаулысымен 2020 жылы 10 тамыз – «Абай күні» болып бекітілді және күнтізбеге мереке болып енді. Ұлт руханиятының абызына құрмет көрсету үшін Ақмол ауылының Мәдениет үйінде «Абай мұрасы – халық қазынасы» атты әдеби-рухани кеш өтті. Шара шеңберінде ақынның өмірі мен шығармашылығынан сыр шертетін көрме ұйымдастырылды. «Ақыл» білім беру орталығының оқушылары мен «АЛЖИР» мұражайының қызметкерлері көрермендерге ақынның өлеңдері мен «Қара сөздерін» оқыды. Мәдениет үйінің өнерпаздары Абайдың әндерін орындап, көрермендерге рухани ләззат сыйлады. «Өлді деуге сия ма, ойлаңдаршы, өлмейтұғын артына сөз қалдырған?» деген сөзімен өзіне ескерткіш қалап, ұрпағына өшпес өнеге, өлмес білімді асыл мұра етіп қалдырған ұлы Абай ақыл-ойдың кемеңгері болып қала береді. Ал оның рухани мұрасы ұрпақтан ұрпаққа жалғасады. #10тамыз #Абайкүні #целиноградауданы

АУДАНДЫҚ МӘДЕНИЕТ ҮЙІ

Open In TikTok:

Region: KZ

Saturday 10 August 2024 10:04:08 GMT