@lilianenemriofficial1: يا غاليين ♥️ هالكلام مش شِعر كلامي نابع من قلبي وحزني عا حالنا كلنا والوضع اللي وصلنالو انا بحبكُن كلكُن بطوائفكم ومناطقكم وشخصيتكم يعني بحبكُن متل ما إنتو من هيك بعتبركم متل ولادي ، والاكبر شوي متل إخوتي ، بتمنى من قلب عايش كل عمره ليفرح قلوبكم ، يا ريت بهالوقت العصيب نترك خلافتنا عا جنب ، ونحترم بعض وعادات بعض واديان بعض ، ما في شي محرز لهيدا كلو ، كلنا بنفس الخطر وكلنا منعبد رب واحد ، وكلنا لازم نلتف عا بعض ونطَيب خواطر بعض ، مش ننتقد بعض ونشتم بعض ونتمسخر عا بعض ، الكلمة الحلوة صدَقة صدقوني اذا رح نضل هيك كلنا رح نكون خسرانين ورح نخسر هالوطن الصغير اللي تعتَر متلنا من ٤٥ سنة وياما خسرنا كتير ، بعرف يمكن كلامي ما يتأثر فيه كتير اشخاص بس عالاقل بكون عم كَمل مسيرتي اللي بلشتها من اول يوم صرت فيه بس السوشيال ميديا وضميري مرتاح من ١٧ سنة ما تغيرَت ولا غيرت قناعاتي ومحبتي للكل وبعدني : جَمِع وما فَرِق وازرع المحبة بحقول كلها شوك ، وإروي كل قلب حزين غدر فيه الزمن ، بحبكن لتخلص الدني إنتو اخوتي بالانسانية ، وإنسانيتي بتجبرني حِب وسامح وعيش على قد ما الله سامحلي وعاطيني ، الله يمَرق هالايام الصعبة علينا جميعاً بالخير ، وتكون الايام الجايي مكللة بالفرح والامن والامان ، لانو كلنا بيحقلنا نعيش بفرح وسوا ( وما اجمل ان يسكنوا الاخوة معاً ) ( مش ضروري تحبني بس ليش بدك تكرهني ) تاركين حملنا عا الله المهم ما يزعل منا ، بأمان الرب وبشوفكم عا خير دايماً 🙏🤍🌹 ليلووو ٨/٨/٢٠٢٤ #lilianenemrilovers #ليليان_نمري👑 #lilovelebanon🇱🇧

Lilianenemryofficial🌹

Open In TikTok:

Region: LB

Saturday 10 August 2024 21:43:11 GMT