@mulezeethiopia: የዓለም ብርሃን ፀሐይ ነው፣ የጽድቅ መሰረቱም ዓለምን መናቅ ነው። ነፍስ ከበደለች ፈጥና ንስሐ ትግባ፣ ብትዘገይ ግን ጠፋች ሞተች ማለት ነው። ያለ ንስሐ ኃጢአቷ አይሰረይላትምና። ከተለወጠ ቁስል ትሎች ይወለዳሉ፥ ከጥጋብና ከእረፍትም ዝሙት ይወለዳል። ፍትወትም ከዚህ ሁሉ መንጭቶ ሰውን ሁሉ ይቃወመዋል። ዓይን ካላየ መንገድ አይቀናም፣ ገድልም ካልተፈፀመ አይረባም አይጠቅምም። መርከብ ያለ መልህቅ አይቀዘፍም፣ ገድል ያለ ትዕግሥት አይጠቅምም፣ ጸሎት ያለ አርምሞ፣ መብል ያለ ጨው አይጣፍጥም። በቀን የሚሄድ ጨለማ አያገኘውም፣ አንደበቱን የሚጠብቅም ኃጢአት አያገኘውም። ከእንስሳት ሁሉ ጅብ የረከሰ ነው፤ ሴቷ የወንዱን ግብር ትሰራለች፣ ወንዱ የሴቷን ግብር ይሰራልና። ከክፋት ሁሉ ቂምና በቀል ይበልጣል፤ አንደበቱ መልካም እየተናገረ ልቡ ይከፋልና። ክርስቲያኖች ሁላችሁ ከበደል ተጠበቁ። ከአዳም እስከዛሬ ብዙ ፍጥረታት ተፈጠሩ፤ ሁሉም ሞቱ ጠፉ እንጂ የሉም። አሁንም ወዳጆቼ ሆይ ዕንቡዛነ ልብ አትሁኑ፤ ኃላፊ የሆነውን ዓለም አትፈልጉ፤ ሁላችን እንጠፋለን እናልፋለንና። ወንድሞቼ ሆይ ዝሙትን አትስሩ፣ መብል መጠጥን አትስሩ፤ መብል መጠጥን አትውደዱ። እናት አባታችሁን ናፋቂ አትሁኑ። ሳንወድ በግድ የሚወስደን የእግዚአብሔር ጽዋዐ መዓቱ ከመድረሷአስቀድሞ ከዚች ዓለም እንሽሽ እንጅ። ደግሜ እላለሁ፤ በዓለም ያለው ሁሉ ያለው ሁሉ ፈጥኖ ያልፋል። ዳግመኛም እላለሁ ይህ ዓለም ታይቶ እንደሚጠፋ ህልም ነው። ሁሉም እንዳልተፈጠረ ይሆናል። ወዳጆቼ ሆይ ያለ ውድ በግድ የሚወስደን ሞት ሳይመጣብን ለጽድቅ ዳተኞች አንሁን። ዛሬ ስለ ነገ አናውቅም። እግዚአብሔር ከጠራ ሁላችን በአንድ ቦታ ብንሰባሰብ አንድት ነፍስ ማዳን አይቻለንምና። "ቅዱስ ወቅሪስ/ወግሪስ

ኦርቶዶክሳዊ ትምህርት ወዝማሬ

Open In TikTok:

Region: ET

Sunday 11 August 2024 21:47:11 GMT