@mahmoudmokhtar8412: أركب ألوميتال ولا UPVC .. !؟ السؤال الأشهر والخناقة الكبيرة .. أركب شبابيك ألوميتال ولا أعمل UPVC واه فى حرف U قبل كلمة PVC والفرق كبير أوي الـ PVC .... قشرة من البلاستيك شرحناها فى الأبواب بتيحي فى هيئة رولات وبتتكبس على الأبواب الخشبية شبابيك الـ UPVC ... شبابيك معمول مادة البولي اللى بتتصنع منه مواسير السباكه مادة مرنة كدة لدنه بلاستيكية الـ U بقى إختصار لكلمة unplasticized يعني مادة غير مرنة أصلا .. مصنعه من نفس خامة البولى ولكن القطاع نفسة تاع الشباك مدعم بجزء معدني .. عشان يدي متناه و عزم للقطاع عكس الألوميتال اللى متصنع من سبيكة من الميتال و الألمونيوم طيب الفرق فى الخامه وعرفناه .. نختار أنهي وايه مميزات و عيوب كل واحد فيهم تعالى و أنا اقولك لو هنكلم عن المتناه فالألوميتال أقوي طبعا .. مش هينفع نقارن ميتال ببلاستيم حتي ولو مقوي قطاعات الألمويتال بتتجمع مع بعضها بمسامير .. عكس الـ UPVC بتتجمع بلحام .. فشكله بيكون أحسن .. عازل للهوا والصوت والأتربه بشكل أكبر غير انه الـ UPVC عزله من ناحية الحرارة أفضل لانه بلاستيك .. عكس الألوميتال اللى معمول من الميتال والألمونيوم .. وهما مواد جيدة التوصيل للحرارة وسهل يحتفظوا بيها وده طبعا هيفرق معاك فى إستهلاك الكهرباء وفاتورة التكييفات الألوميتال أغلي .. لانه داخل فى تصنيعه ألمونيا .. والألمونيا غاليه جدا .. بس الفرق بينهم فى السعر مش كبير أوي .. حاجه بسيطة فى المتر بالنسبة للتسكيك .. الـ UPVC أحسن والتسكيك المقصود بيه الأماكن اللى يقفل منها الكالون عن طريق اللسان فبيكون فيه أكتر من مكان وأكتر من لسان يقفل منه من كذا جنب زي الأبواب المصفحه كدة يعني كأمان أفضل .. غير انك ممكن تعمل شباك جرار و قلاب فى ضلفة واحدة ويشتغل معاك الإتنين الألوان بتاعت الألوميتال كتيرة و تقدر تختار منها لانه بيدهن أما الـ UPVC .. محدوده وبتختار منها فى الألوميتال متقدرش تعدل على القطاع أو الإزاز بعد التصنيع فى الـ UPVC .. العكس تقدر عادي ... فى النهاية وده رأيي اللى ممكن يختلف معاك أنا بفضل الألوميتال من ناحية المتانة و من ناحية عمرة الإفتراضي فى المستقبل غير ان كل المميزات اللى موجوده فى الـ UPVC تقدر تحصلها وتقرب منها فى حالة إستخدامك لقطاع محترم زي الجامبو أو التانجو غير انهم عملوا قطاعات من الألوميتال بتعزل الحرارة بشكل كلير جدا عن طريق إنهما صمموا القطاع نفسه على جزئين وجمعوه مع بعض عن طريق قطعه من البلاستيك من مادة البولي بردة بحيث متنقلش الحرارة من الجزاء الخارجي المقابل للشمس للجزء الداخلي جوه الشقة وبس كدة أنا محمود مختار وده كان فيديو إنهاردة ............. سلاااااام #ألوميتال #ألمونيوم #ميتال #شبابيك #شباك #قطاعات #ps #كبير #صغير #فالفيه #فولكانو #الوميل

Mahmoud Mokhtar

Open In TikTok:

Region: EG

Wednesday 14 August 2024 11:08:14 GMT