@nezammousa: لما يزيد احساسك بقيمة نفسك بتتوقف عن الخوف من خسارة الآخرين يلي ما بيقبلوا حقيقتك.. اللي بدهم ياك على هواهم.. لأنو ساعتها بتكون شايف انو حقيقتك وطبيعتك والطريقة اللي الله خالقك فيها اهم من وجودهم بحياتك بتكون رغبتهم بانهم يغيروك اشارة الك على انو غلط يضلوا موجودين بحياتك.. بتبطل تخاف من خسارة علاقاتك مع الأشخاص لما بتكون علاقتك مع نفسك قوية طرد المؤذيين من حياتك تعتبر اقوى اشارة على حبك لذاتك وقوة شخصيتك ووفاءك لنفسك تذكر انو الصح والغلط بهي الحياة نسبي وتخلصك من علاقتك بناس ما عم تتقبل حقيقتك وبدهم يغيروك مو بس بيعكس قوة شخصيتك وبيزيد قوة علاقتك بنفسك بل بيخليك تجذب لنفسك اشخاص بيحبوك متل ما أنت بيحبوك بدون تغيير بدون مجهود. بدون اقنعة منهكة كيف تحسن علاقتك بنفسك؟ *تعلم تقول لا.. تجرأ ترفض بدون ما تحس بالذنب او الندم *حط حدود للاخرين ولنفسك وألزمهم والزم نفسك فيها *خلي حديثك مع نفسك وكأنك عم تحكي مع اغلى صديق على قلبك لطيف وهادي وعميق *اقضي وقت اطول مع نفسك بدون ما تحاكمها بقسوة مفرطة بس تعاطف مع الإنسان اللي جواك وتفهم زلاته واخطائه.