@hi12b_sa: كيكة قدرة قادر المقطع من حساب @Reem M. Odeh ✨الطريقة:✨ أول خطوة السكر المحروق اللي في الكريم الكراميل جوا أو بتعملوا بالبيت كوب الا ربع سكر عالنار لحتى يصير سكر بني متكرمل ونكسبه بصينية اللي نعمل فيها الكيك ونتركه ع جنب ✨ ثاني خطوة رح نخلط ٤ باكيت كريم كراميل مع ٤ أكواب ونص حليب و٣ ملعقة كبيرة حليب بودرة نحطه عالنار لحتى يغلي ونحطه فوق السكر المحروق شوي شوي ونتركه ع جنب ✨ ثالث خطوة رح نعمل خليط الكيك الجاهز نكهة الشوكولاتة رح نحتاج ٣ بيض .. كوب الا ربع زيت .. كوب ماء .. خليط كيك .. اول شي نحط البيض والزيت والماء نخلطهم منيح بعدين نحط خليط الكيك ونحركهم كل المكونات سوا بعدين نضيف خليط الكيك فوق الكريم الكراميل بكل هدوء بعدين نحط القالب بحمام مائي وندخلها ع الفرن محمى مسبقا من تحت على حرارة ١٨٠ لمدة ٤٠ دقيقة أو حسب الفرن حتى تستوي الكيكة وبعد ما نطلعها نتركها تبرد بعدين نحطها بالثلاجة ليلة كاملة.