@news5everywhere: ‘GUSTO MO MANIWALA KAMI SAYO?’ Dismayado ang mga senador sa anila'y patuloy na pagsisinungaling ng kapatid ni dating Bamban mayor #AliceGuo na si #ShielaGuo, sa pagpapatuloy ng pagdinig ng Senado hinggil sa pag-alis nila sa Pilipinas. “Lagi mong sasabihin si Alice [Guo] ang nagdedesisyon sa’yo. Uulitin ko ‘yung sinabi ni Madam Chair, kung pinapagayan mo na gamitin ang iyong pangalan, kung sasabihin mong hindi mo alam pero involve ka sa criminal activities, madidiin kang husto,” babala ni Sen. Joel Villanueva kay Shiela. Giit pa ni Sen. Villanueva, hindi makalalabas ng Pilipinas sina Guo nang ganun lang at kumbinsido siyang may tumulong sa kanila. “Sino pa ‘yung mga tumulong sa’yo na nasa gobyerno?” muling tanong ng senador kay Shiela. “Ms. Shiela, isipin mo lahat ng sinasabi namin sa inyo [d]ahil ‘yung sinabi ng AMLC [Anti-Money Laudering Council] na posibleng isentensya sa inyo ay mula 609 years hanggang 1,218 years, lampas-lampas sa lifetime ng isang tao,” ayon naman kay Sen. Risa Hontiveros. Una nang isiniwalat ni Hontiveros sa Komite na wala umanong legal entry sina Guo sa Sabah, Malaysia, base sa kanilang source: “Nauna ka dapat sa Kuala Lumpur kaysa sa Sabah. Pero ang kwento mo noon hanggang ngayon, mula Pilipinas galing Sabah.” #News5

News5

Open In TikTok:

Region: PH

Thursday 05 September 2024 07:19:43 GMT