عمرك فكرتي في أسباب انتفاخ الجسم في المراحل المختلفة من الدورة الشهرية؟ انتفاخ الجسم أو زيادة الوزن -البسيطة- من أكتر الأعراض المصاحبة للمراحل المختلفة من الدورة الشهرية، وده بيرجع لأكتر من سبب، منهم: 👈🏼 احتباس السوائل: زيادة نسبة هرمون البروجسترون قبل الحيض ممكن يزود من احتباس السوائل وده اللي بيسبب انتفاخ للبطن أو للجسم بشكل عام. 👈🏼 مقاومة الإنسولين: هرمون البروجسترون لما بيزيد في الجسم قبل الحيض، بيؤدي إلى زيادة مقاومة هرمون الإنسولين، وده معناه إن السكر في الجسم مابيتعالجش بالطريقة الطبيعية ولكن بيفضل في الدم فترة أطول، وده اللي بيساعد على زيادة الوزن وانتفاخ الجسم. طيب تعملي إيه عشان تقللي من أي انتفاخ أو توّرم؟ ✅ حاولي تشربي مايّة كتير، ده هيساعد على طرد أي سموم وأملاح من جسمك. ✅ كُلي الأكل الغني بالبوتاسيوم زي الموز والسبانخ والأفوكادو والعدس، لأنهم بيساعدوا في موازنة كمية الصوديوم في جسمك. ✅ ابعدي عن الأملاح الكتير، والكربوهيدرات المكررة زي الدقيق الأبيض والعيش والمعجنات، لأنها بتزود من مستويات الأنسولين، وده بيخلي جسمك يحتفظ بسوائل أكتر. ✅ وأخيـرًا، حاولي تتمرني ولو تمارين بسيطة، لأنها هتساعد على حركة الجهاز الهضمي والتقليل من الانتفاخ. عشان تستفيدي بمحتوى تعليمي مختلف، حمّلي أبلكيشن “دليــلة” من اللينك اللي في البايو! 🩷 - @daleela.app