‎ فرانز کافکا لە تەمەنی چل ساڵیدا، کە هەرگیز هاوسەرگیری نەکردوو منداڵیشی نەبوو، کاتێک بە ناو پارکێکدا پیاسەی دەکرد لە بەرلینی ئەڵمانیا، کیژێکی بینی دەگریا، لەبەر ئەوەی بوکەڵە دڵخوازەکەی ون کردبوو، ئەوو کافکا بە یەکەوە گەڕان بۆ بوکەڵەکە، بەڵام هیچیان دەست نەکەوت، بۆیە کافکا بە کیژۆڵەکەی وت: سبەی دووبارە دەتبینمەوە و بە یەکەوە بە دوای بوکەڵەکەتدا دەگەڕێین، ڕۆژی دواتر کاتێک بوکەڵەکەیان نەدۆزیبۆوە، کافکا نامەیەکی لە زاری بوکەڵەکەوە بۆ کیژەکە نووسیبوو: "تکایە مەگری، گەشتێکم کردووە بۆ بینینی جیهان، لە بارەی سەرکێشیەکانمەوە بۆت دەنووسم" ئەم چیرۆکە لەوێوە دەستی پێکردوو تا کۆتایی ژیانی کافکا بەردەوام بوو، کافکا بە وردی و وریایەوە لە درێژەی دیدارەکانیدا لەگەڵ کیژەکە نامەکانی بوکەڵەکەی دەخوێندەوە کە پڕ بوون لە باسی سەرکێشی و گفتوگۆ، دواجار کافکا بووکەڵەکەی بۆ هێنایەوە (ئەوەی کە بۆی کڕی بوو) و گەڕایەوە بەرلین. "ئەمە بە هیچ شێوەیەک لە بوکەڵەکەی من ناچێت" کیژۆڵەکە ئەمەی وتبوو، هەر لەویا بوو کافکا نامەیەکی تری دایە دەست کیژۆڵەکە و تێیدا نووسرا بوو: " سەفەرەکانم منیان گۆڕی" ئیدی کیژەکە بوکەڵەکەئ لە باوەش کرد و بە دڵخۆشیەوە گەڕانەوە بۆ ماڵەوە، ساڵێک دواتر کافکا کۆچی دوایی کرد، ساڵانێک دوای مردنی کافکا کیژەکە کە تازە پێدەگەیشت نامەیەکی تری لە ناو بوکەڵەکەدا دۆزیەوە کە لە لایەن کافکاوە واژو کرابوو، نووسرابوو:" هەموو شتێک کە خۆشت دەوێت ڕەنگە لە دەستی بدەیت، بەڵام لە کۆتاییدا، خۆشەویستی بە ڕێگایەکی تر دەگەڕێتەوە." - @gwlaakamm_