@.luk68: دوای پێنج ساڵ بوومە باوک بەڵام.. کاتێ پزیشکەکان بە هاوسەرەکەمیان وت کە دووگیانە دڵی زۆر خۆش بوو باوەڕی نەدەکرد دوای پێنج ساڵ ببێت بە دایک.. پەیوەندی بە منەوە کرد لە خۆشیا سوجدەی شوکرانەم بۆ خودا برد ، سوپاسی خودام کرد. ڕۆژگار تێپەڕی.. هەردووکمان دڵخۆشبووین. دوای چەند مانگێک چووینە لای دکتۆر پێی وتین کە منداڵەکەمان کوڕ دەرچوو. ئیتر یەک مانگی مابوو کوڕەکەمان بێتە دونیاوە. چووین بۆ بازاڕ جلو بەرگی جوانمان بۆ کوڕەکەمان کڕی هەموو شتێکمان ئامادە کرد.. شەوێکیان ، هاوسەرەکەم هەستی بە ئازار کرد منی لە خەو هەڵساند و پێی گوتم کە بەهۆی ئازاراوە شەو نەخەوتووە. داوای لێکردم بیبەم بۆ نەخۆشخانە. لە ڕێگادا بە ئەوم وت : ئەگەر خودای گەورە ئەو منداڵەی بە ئێمە بەخشی.. ناوی لێ بنێین چی؟ تۆ ناوێک هەڵبژێرە ؟ بە دەنگێکی نزمەوە وت : ناوەکە بۆ تۆ لێدەگەڕێم. حەز ئەکەم باوکی ناوی لێبنێت. ئەگەر خودا ڕووحی بردم کاتێ لە ژووری نەشتەرگەریم.. تکات لێ ئەکەم ئاگاداری منداڵەکەمان بە. منیش هێمنم کردەوە وتم : ئازیزەکەم.. یەکەم جارتە منداڵت ئەبێت. ئاساییە سترێس و قەلەقی و ترست هەبێت. بەڵام بەو ڕادەیەش نا.. قسەی خێر بکە خودا بە ڕحمە. وتی دەستت بێنە.. دەستی منی توند گرت و گوتی : ئەگەر منداڵەکەمان تەندرووستی باش نەبوو لە باوەشتی بگرە و پێی بڵێ کە دایکت تۆی زۆر خۆشئەویست.. بە توڕەییەوە دەستم لابرد و پێیم وت چیە ئەم قسانە؟ قسەی وامەکە و شەیتان بە نەعلەت کە.. ئافرەت.. بۆ وا ڕەنگ زەرد بوویتە؟ بۆ وا خەمباری؟ ئەی بۆچی وا قەلەقی و ئەترسی؟ ئەمڕۆ خۆشترین ڕۆژمانە من و تۆ. ئەی نازانی پێنج ساڵە چاوەڕێی ئەو ڕۆژە ئەکەین؟ و ئەگەر کوڕەکەمان بوو ، ناوی باوکتی لێئەنێم وەک دیاریەک بۆتۆ. بە چاوە فرمێسکەکانی سەیری منی کرد و گوتی : منت خۆشئەوێ؟ وتم بێگومان خۆشمئەوێی ئازیزم. وتی ئەگەر مردم.. بۆخۆت زەواج بکەوە. بەڵام تکات لێئەکەم. منداڵەکەم لەلای کەس دامەنێ. خۆت چاوت لێبێ و ئاگاداری بە. ببورە ئەگەر ڕۆژێک لە ڕۆژان هەڵەم بەرامبەرت کردبێ.. دڵتم شکاندبێ.. بێزارتم کردبێ.. یان گوێم بە قسەت نەدابوبێ.. منیش فرمێسک بە چاوەکانم هاتەوە خوارەوە. نەمتوانی زاڵ بم بەسەر خۆم و هەست و سۆزەکانم.. وتم ئازیزەکەم.. تۆ گرنگترین کەسی ژیانی منی. پاشان چونە ژووری نەشتەرگەری. دوای دوو سەعات دکتۆرەکە هاتە دەرەوە و وتی پیرۆزە بووی بە باوکی کوڕێک. منیش دڵم زۆر خۆش بوو ، سوپاس خوایە. ئەی دکتۆر؟ حاڵی خێزانەکەم چۆنە؟ دکتۆرەکە وتی ئەبێت لەژێر چاودێری چڕدا بێت. چوومە ماڵەوە جلو بەرگ بێنم کە کڕیبوومان بەیەکەوە.. زۆر هیلاک و ماندوو بووم خەوم لێکەوتبوو. لەناکاو لەگەڵ زەنگی پەیوەندی خەبەرم بوویەوە پێیان ڕاگەیاندم کە خێزانم وەفاتی کرد.. هەموو ئەو دیمەنانە وەک خەیاڵ و وەک فیلم ئەهاتە بەرچاوم.. توشی شۆک بووم. کاتێ چوومە نەخۆشخانە بینیم خێزانەکەم لەناو بەرگێکی سپی بوو.. تەرمێکی سارد و سڕ.. بێ هەست.. بێ جووڵە.. سەریم ماچکرد و وتم هەرگیز لەبیرت ناکەم. نوێژمان لەسەری کرد و چوومە لای کوڕە بچکۆلانەکەمان. وتم کوڕی جوانم.. تۆ دایکت لەدەستدا منیش خێزانم.. ماڵم.. ڕووحم.. ئارامیم.. هەناسە و هەموو ژیانم.. کوڕە جوانەکەم.. ئیتر تا کۆتا ڕۆژمان لەم دونیایە بێ ناز ئەمێنینەوە.. (( چیرۆکەکە پەیوەندەی بە دیمەنەکەوە نییە )) #luk_68 #kurdistan #fyp #walnuttree

مـࢪوان.

Open In TikTok:

Region: IQ

Sunday 15 September 2024 02:44:21 GMT