رجعت من المدرسه بعد استلام كُتبي وتعبانه حيل ودايخه مامتريگه ولا متغديه اول مادخلت للبيت قبل لا انزع الحذاء تكرمون مباشره اجت والدتي اخذتني وياها لطلعه دامت ساعه ونص رجعت للبيت واحس روحي صاعده طياره لفيت راسي ونمت گعدت ع صوت والدتي رقيه دگوميي نظفي البيت يلااا گمت وانـه مثل السكـ.رانه كملت التنظيف وگعدت أجلد بكتبي واكتب معلوماتي حاطه جهازي يمي منتظره منه رساله ودام انتظاري اسبوع وشويةة اندگ الباب ورحت ردت افتحه فتحته اختي اجت خالتي وبيدها چيس چكليت ابتسمت گلت هاي منين؟ گالت وينها امچ خل تهلهل عباس راح يخطب اجتني فراشات وحسبت روحي انـه وابتسمت غمزت وگلت هـا خاله منيه؟ گالت اهو شو دوخري وينها امچ خل احچيلها؟ گلت امي جاي تسبح شويه وتطلع تعاي خاله احچيلي انـه عليچ الله وضحكت گعدت بالغرفه وگعدت يمها انـه واختي گتلها يلا يـا خاله نسحب منچ الكلام؟ گالت اكيد تعرفين هاي البنيه الحلوه الي ماتبين ألا بالمناسبات ولچ الي تصير بنت فلان فتحت عيوني حيل وصفنت گتلها بصوت راح منه الحماس واللهفه يـا وحده منهن؟ گال آيات بنته الچبيره خوش بنيه وحبابه وتناسب عباس ردت اختي وگالت ايع شعاجبج منها خاله گتلها راح اكمل اجلد كتبي رايحه اخذت تلفوني وصعدت للسطح ودموعي ترسن وجهي عيوني تغوش وايدي ترجف اريد ادخل ع رقمه ما جاي اشوف حطيت التلفون بالگاع ومسحت عيوني برداناتي، لزمت الجهاز ودگيت عليه اكثر من مره ما يرد طفيت جهازي ونزلت غسلت ومسحت دموعي وگوه گضيتهن ورحت سألت اختي اگلج تدرين عباس وينه؟ أي ولچ هذا المصخم غير عند آل فلان مسوين عزيمه تعاي رقيه لاتبچين سرسـ.ري هذا لو بي خير چان حاچاچ ما سمعتي الخبر من امه ! شغلت الجهاز وحرگت التلفون عليه انچوت روحي وگلبي وجعني ردت بس يرد ويفهمني لميت الافكار بعقلي من عدم رده الي لاسبوع واكثر وبروده قبل اختفائه تعبت من كثر التفكير وكل ماتمر دقايق اروح اتفقد جهازي، خليت الاشعارات كلها طافيه ألا من رقمه مفتوحه وبقه جهازي فارغ من الاشعارات. اتأخر الوقت رحت حطيت راسي ع المخده ودموعي ترسن المخده هذا الموقف ذكرني بوفاه صديقتي اول يوم. مادريت راح ابچي هيچ مره ثانيه بسبب شخص هوَ خلاني احبه واتعلق بي اكثر من روحي، گمت غسلت والخنگه والغصه گاضتني تعبت اريد بس انام فتحت جهازي اتأكد لگيته داز رساله قبل ساعه تقريبا "شكو حارگه الجهاز حرگ شتردين؟ " گلت "ليش سويت هيچ؟ " گال " مو لازم تعرفين السبب " گلت " انـه محترگه ومشتعله روحي وانـتَ ترد بكل برود؟ " گال " نعسان اريد انام عندچ سالفه مُهمه تحچيها؟ " گلت " تصبح على خير " وحذفت كلشي وحضرته تعبت حيللل ردت بس جواب يرضيني مع السلامه . - @l8l_f8